„Pólland í samvinnu við Bandaríkin, Svíþjóð og Danmörku standa að baki árásinni á Nord Stream 1 og 2″ fullyrðir fyrrverandi ráðgjafi Jimmy Carters í Hvíta húsinu, fv. ráðgjafi Papandreous í Grikklandi og ríkja í Asíu, prófessor og þekktur blaðamaður með aðsetur í Moskvu: John Helmer.
Segir Pólland, Bandaríkin, Svíþjóð og Danmörk ábyrg á árásinni á Nord Stream 1 og 2
Hver er á bak við árásina á Nord Stream 1 og 2, sem Rússar líta á sem alþjóðlegt hryðjuverk? Einhver eða einhverjir eru það. Ástralski utanríkisfréttaritarinn John Helmer, með próf í stjórnmálafræðum frá Harvard háskóla og hefur starfað sem prófessor, starfaði í Hvíta húsinu sem ráðgjafi Jimmy Carters forseta, var ráðgjafi Papandreous í Grikklandi og ríkja í Asíu og er nú staðsettur í Moskvu, kemur fram með fremur óhuggulega fullyrðingu.
Hann skrifar á bloggsíðu sinni, að „árásin var framkvæmd af pólska sjóhernum og sérsveitum.“ Hann skrifar:
„Árásin naut aðstoðar danska og sænska hersins; var skipulögð og samræmd af bandarískum leyniþjónustum með tækniaðstoð þeirra. Aðgerðin hlýtur að hafa verið samþykkt af æðstu stjórnvöldum Póllands, ríkisstjórninni.“
Helmer fullyrðir ennfremur, að árásin sé framhald af „Bornholm Bash-aðgerðinni í apríl 2021“ sem samkvæmt Helmer var bein árás á Rússland og tilraun til að eyðileggja rússnesku skipin, sem lögðu gasleiðslurnar. Hins vegar mistókst sú aðgerð, skrifar hann. Núna er í staðinn ráðist gegn þýskum hagsmunum en Rússum kennt um svo Þjóðverjar geti beint gremju sinni um eymd komandi vetrar gegn Rússum.
Að sögn Helmer er árásin hluti af stærri áætlun pólskra stjórnvalda með kröfur á hendur Þýskalands fyrir seinni heimsstyrjöldina. Pólland hefur þegar endurvakið skaðabótakröfur vegna innrásarinnar og hernámsins 1939-45. Hellmer hefur einnig skrifað í langri og ítarlegri bloggfærslu, að „Pólverjar vilja ná sér niðri á Þjóðverjum vegna þátttöku Þýskalands í áætlun Rússa um að stjórna Evrópu á kostnað Póllands.“ Hann skrifar:
„Sprengingarnar á Bornholm eru nýjasta dæmið um stríð Póllands í Evrópu gegn kanslara Olaf Scholz. Enn sem komið er þegir stjórnarráðið í Berlín.“
Efnahagslegur ávinningur fyrir Bandaríkin – Vandræðalegt fyrir Nató
Verkefnasveit bandaríska sjóhersins 68 framkvæmdi sumarið 2022 neðansjávaræfingar á nákvæmlega sama svæði og Nord Stream var sprengt í loft upp. Dagana fyrir árásina sveimuðu bandarískar þyrlur fyrir utan Bornholm. Það er vandamál fyrir NATO. NATO skrifar 12. júní 2022 um æfingar US Task Force 68 á Bornholm:
„Tilraunir voru gerðar undan strönd Bornholm í Danmörku, með þátttakendum frá Naval Information Warfare Center (NIWC) Pacific, Naval Undersea Warfare Center (NUWC) Newport og Mine Warfare Readiness and Effectiveness Measuring (MIREM) – allt undir forystu U.S. verkefnasveitar sjötta flotans 68.“
Joe Biden forseti, Victoria Nuland utanríkisráðuneytinu og Ron Johnson, öldungadeildarþingmaður, hafa öll kallað eftir því að Nord Stream verði stöðvað og sagt, að „öllum nauðsynlegum ráðum verði beitt til að ná þeirri niðurstöðu“ samanber myndband neðar á síðunni. Raddir eru uppi um, að Bandaríkin séu í raun í stríði við Evrópu knúin áfram af eigin peningahagsmunum. Paul Craig Roberts, fyrrverandi ráðgjafi Bandaríkjastjórnar, segir:
„Blinken, utanríkisráðherra Bandaríkjanna, sagði að skemmdirnar á leiðslunni feli í sér „verulegt tækifæri“ fyrir Vestur-Evrópu til að yfirgefa rússneskt jarðgas í þágu bandarísks fljótandi jarðgass.“
Sænskur kafari segist hafa sannanir fyrir þátttöku sænska sjóhersins í árásinni
Lars Bern tíður gestur hjá Swebbtv nefnir einnig Pólland sem hugsanlegan þátttakanda í atburðunum:
„Pólland hefur stöðugt gagnrýnt lagningu þessara gasleiðslna og fór mikinn varðandi refsiaðgerðir gegn fyrirtækjum, sem byggðu Nord Stream 2. Pólland hefur alltaf skarað fram úr (í gagnrýni á Rússland/gs). Það má segja, að Pólland sé herskáasta landið í Evrópu gegn Rússlandi að undanskilinni Úkraínu. Það eru miklir straumar í Póllandi gegn þessu. En ég trúi ekki, að Pólverjar hefðu sjálfir getað framkvæmt árásina. Ef Pólland er viðriðið árásina, þá hefur landið gert árásina í samvinnu við NATO.“
Bandaríkin hafa neitað aðild að árásinni. Sænski kafarinn Håkan Bergmark, hefur tjáð sig um fullyrðingu John Helmer á Swebbtube. Hann þekkir til mála og segist hafa fengið staðfestingu frá aðilum innan sænska hersins, að sjóherinn var innblandaður í skemmdarverkið. Hann vísar m.a. til Newsvoice með lengri grein um málið. Hann fullyrðir:
„Sænska ríkisstjórnin, Ann Linde, Morgan Johanson hafa gerst sek um stríðsglæp og skotið sænska fólkið í hausinn.“
Heyrið hvernig Ron Johnson og Victoria Nuland ræða um að stöðva gasleiðslurnar
Dæmi um viðbrögð á samfélagsmiðlum:
