- Í því sem virðist vera einstakur innri leki frá hugveitunni RAND Corporation, sem starfaði meðal annars náið með ríkisstjórn Bandaríkjanna varðandi stefnuna í utanríkis- og varnarmálum á tímum kalda stríðsins, er gerð ítarleg grein fyrir því hvernig orkukreppan í Evrópu er skipulögð af Bandaríkjunum.
- Gögnin (sjá neðar á síðunni) eru dagsett í janúar og í þeim segir, að árásargörn utanríkisstefna í Úkraínu muni þrýsta á Rússa að fara með her inn í landið. Tilgangurinn er samkvæmt skjalinu sá að koma á refsiaðgerðapakka, sem hefur verið í undirbúningi í langan tíma.
- Enn fremur segir, að efnahagur ESB „muni óumflýjanlega hrynja“ vegna þessa – og er því m.a. fagnað að verðmæti allt að 9000 milljörðum dollara muni flytjast til Bandaríkjanna ásamt því, að vel menntuð evrópsk ungmenni neyðast til að flytja úr landi.
- Meginmarkmiðinu er lýst að sundra Evrópu – sér í lagi Þýskalandi og Rússlandi – og eyðileggja evrópska hagkerfið með því að fá nytsamlega bjána í stjórnmálum til að stöðva afhendingu rússneskrar orku til álfunnar
Hugveitan Rand lagði upp þá línu sem Bandaríkjastjórn virðist fylgja í dag
Það er óháði sænski miðillinn Nya Dagbladet sem birtir skjölin, sem virðast vera leynileg áform Bandaríkjanna um að mola evrópska efnahagslífið með stríði í Úkraínu og orkukreppu í kjölfarið. Hugveitan RAND, sem er með 1.850 starfsmenn og fjárhagsáætlun upp á 350 milljónir Bandaríkjadala, hefur þann opinbera tilgang að „bæta stefnu og ákvarðanatöku með rannsóknum og greiningu.“ Hugveitan tengist bandaríska varnarmálaráðuneytinu og er þekkt fyrir að hafa haft áhrif á hernaðarstefnu Bandaríkjanna í kalda stríðinu.
Í skjali undirritað af RAND (sjá neðar á síðunni) með fyrirsögninni „Draga úr mætti Þýskalands, efla Bandaríkin“ er talið að „brýn þörf“ sé á innstreymi fjármagns að utan til að viðhalda bandarísku efnahagslífi og þá „sérstaklega bankakerfinu.“
„Einungis Evrópulönd sem eru bundin af skuldbindingum ESB og NATO geta veitt okkur þær án verulegs hernaðar- og pólitísks kostnaðar.“
Stærsta hindrunin er vaxandi sjálfstæði Þýskalands samkvæmt RAND. Meðal annars er bent á, að Brexit hafi veitt Þýskalandi aukið sjálfstæði og gert Bandaríkjamönnum erfiðara fyrir að hafa áhrif á ákvarðanir evrópskra stjórnvalda.
„Ef Þýskaland og Frakkland vinna saman munu þau ekki aðeins verða efnahagslegur keppinautur Bandaríkjanna, heldur einnig pólitískur.“
Lykilmarkmið er umfram allt að eyðileggja samstarf Þýskalands og Rússlands og einnig Frakklands, sem er talið vera stærsta efnahagslega og pólitíska ógnin við Bandaríkin.
Eina leiðin: „Draga báða aðila inn í stríð í Úkraínu“
Til að eyða þessari pólitísku ógn er lögð fram stefnumótandi áætlun, sem miðar fyrst og fremst að því að eyðileggja þýska hagkerfið. Lykillinn er að draga lönd Evrópu inn í stríð:
„Að stöðva sendingar Rússa mun skapa kerfisbundna kreppu sem væri hroðaleg fyrir þýska efnahag og óbeint fyrir allt ESB. Eina mögulega leiðin til að tryggja, að Þýskaland hafni rússneskum orkugjöfum er að draga báða aðila inn í hernaðarátökin í Úkraínu. Áframhaldandi aðgerðir okkar í því landi munu óhjákvæmilega leiða til hernaðarviðbragða Rússa. Rússar ætla greinilega ekki að gefast upp fyrir stórfelldum þrýstingi úkraínska hersins á Donbass-lýðveldin án hernaðarviðbragða. Það gerir mögulegt að kynna Rússland sem árásargjarna aðilann og beita síðan öllum refsiaðgerðapakkanum sem þegar er tilbúinn.“
Grænu flokkarnir munu sjá til þess að Þýskaland „falli í gildruna“
Grænum flokkum í Evrópu er lýst þannig að auðvelt sé að stjórna þeim til að ganga erinda fyrir hagsmuni Bandaríkjanna:
„Forsenda þess að Þýskaland falli í þessa gildru er leiðandi hlutverk grænna flokka og hugmyndafræði í Evrópu. Þýska umhverfishreyfingin er bókstafstrúuð ef ekki ofstækisfull hreyfing, sem auðveldar að fá þá til að hunsa efnahagsleg rök“ segir í skjalinu, þar sem núverandi utanríkisráðherra Þýskalands, Annalena Baerbock og loftslagsráðherrann, Robert Habeck, eru nefnd sem dæmi um slíka tegund stjórnmálamanna.
„Persónueiginleikar og skortur á fagmennsku gera það að verkum að hægt er að gera ráð fyrir, að það sé ómögulegt fyrir þá að viðurkenna sín eigin mistök. Þannig mun það nægja að móta fjölmiðlamynd af árásarstríði Pútíns fljótlega til að gera Græningja ákafa og harða stuðningsmenn refsiaðgerða – að gera þá að „stríðsflokki.“ Það mun gera mögulegt að innleiða viðurlögin án nokkurra hindrana.“
Baerbock hefur meðal annars getið sér gott orð með því að lýsa því yfir að hún muni viðhalda stöðvun á rússnesku gasi jafnvel yfir vetrartímann – óháð því hvað kjósendum hennar finnst um málið og hvaða afleiðingar það hefur fyrir íbúa Þýskalands. Hún sagði nýlega á ráðstefnu í Prag:
„Við stöndum með Úkraínu og það þýðir að refsiaðgerðirnar verða áfram, einnig yfir vetrartímann – jafnvel þótt það verði mjög erfitt fyrir stjórnmálamenn.“
„Í besta falli algjört stopp“
Höfundar lýsa þeirri von, að skaðinn milli Þýskalands og Rússlands verði svo mikill, að ómögulegt verði fyrir löndin síðar að koma aftur á eðlilegum samskiptum.
„Minnkun á orkuafhendingu Rússa – í besta falli algjör stöðvun – mun hafa skelfilegar afleiðingar fyrir þýskan iðnað. Nauðsyn þess að ráðstafa umtalsverðu magni af rússnesku gasi til að hita upp heimilin og opinberar byggingar yfir veturinn mun auka enn frekar á orkuskortinn. Lokanir í iðnaði munu valda skorti á hlutum og varahlutum til framleiðslu, hruni flutningakeðja og fyrr eða síðar valda víðtækum dómínóáhrifum“.
Í skjalinu segir, að algjört efnahagshrun Evrópu, sé ekki einungis líklegt heldur beinlínis æskilegt:
„Þetta mun ekki aðeins koma niður á þýska hagkerfinu, heldur mun allt efnahagskerfi ESB óhjákvæmilega hrynja.“
Bent er á kosti þess, að bandarísk fyrirtæki fái minni samkeppni á heimsmarkaði, skipulagslega kosti og útflæði fjármagns frá Evrópu, sem talið er að muni geta gagnast bandaríska hagkerfinu með 7-9 billjónum dollara. Einnig er lögð áhersla á þau mikilvægu áhrif, að margir vel menntaðir og ungir Evrópubúar muni neyðast til að flytja til Bandaríkjanna.
Skjalið má lesa á ensku hér að neðan
