Góða fólkið í Bandaríkjunum hefur ekkert pláss fyrir hælisleitendur og innflytjendur

Litla sæta sveitasetur loftslagsdómsdagsmannsins Barack Obama á lúxuseyjunni Marta´s Vineyard liggur við fallega strönd en íbúar eyjunnar neita að taka við hælisleitendum vegna plássleysis og fjárskorts.

Vesalings elítan hefur ekkert pláss fyrir flóttafólkið

Repúblikanski ríkisstjóri Flórída sendi nýlega 50 ólöglega hælisleitendur til eyju fína fólksins í Bandaríkjunum, Marta´s Vineyard. Brugðust eyjaskeggjar við á illan hátt og töluðu um árás á mannkyn að vera senda hælisleitendur til eyjarinnar eða jafn slæmt og sjálf Helförin. Var öllu mögulegu borið við til að stöðva þessa hryllilegu innrás í paradís þeirra ríku. Að sjálfsögðu vill elítan fá að vera í friði langt burtu frá öllum vandamálum heimsins. Barack Obama keypti sér t.d. lítið sveitasetur fyrir dágóðan skilding enda duglegur að spara þessa fáu dollara sem hann hefur fengið frá ríkinu fyrir vel unnin störf. Sveitasetrið liggur við ströndina eins og sjá má á myndinni og ekki dró það neitt niður verð hússins en Obama og önnur Grétubörn hafa verið iðin við að hræða heimsbyggðina um endalok heims vegna upphitunar loftslagsins. Áður en endalokin verða mun sjórinn hækka fleiri metra, að sögn þessa fólks og þá verður góða fólkið í húsi Barack Obama að bjarga sér á örkinni hans Obama til að drukkna ekki. Væntanlega dugir sú örk til að bjarga íbúum Marta´s Vineyard.

Skjótustu viðbrögð í heimi

Hvað um það, núna fyllast samfélagsmiðlar af skjótum viðbrögðum eyjarskeggja og góðra sambanda þeirra við núverandi yfirvöld í Bandaríkjunum. Vesalings flóttamennirnir vissu ekki hvað á sig stóð veðrið en skyndilega birtust hermenn, sem fóru með þá aftur til meginlandsins í aðgerðinni „hreinsum Marta´s Vineyard.“ Er sú aðgerð núna talin merki um skjótustu viðbrögð nokkurs hers í manna minnum. En þeir hafa hlotið góða þjálfun, því í lengri tíma hefur ríkisstjórn Bandaríkjanna flogið með ólöglega flóttamenn í leyni og dreift um allt land en flestir þeirra koma inn í landið frá Texas.

Deila