Google útilokar netsíður vinveittar Trump fyrir forsetakosningarnar – sjást ekki lengur í leit með Google á netinu

Google notfærir sér einokunarstöðu sína á netinu til að hafa áhrif á þjóðfélagslegar niðurstöður

Google er ásakað um að reyna að hafa áhrif á forsetakosningarnar í Bandaríkjunum til hagsbóta fyrir Joe Biden á kostnað Donald Trump. Greinar og umfjöllun síða sem styðja Trump sjást ekki lengur, þegar leitað er með Google. Íhaldssamir fréttamiðlar eins og Breitbart, Daily Caller og The Federalist höfðu mikil áhrif í síðustu forsetakosningum og eru taldir hafa haft áhrif á að Donald Trump tókst að sigra Hillary Clinton. Mikið af umferðinni kom frá leitarvélum Goggle en yfirmenn fyrirtækisins ræddu síðar, hvernig „ætti að laga gallann til að breyta þróuninni fyrir forsetakosningarnar 2020″

Grafið sýnir hvernig umferð til breitbart.com með leitarvél Google hefur minnkað eftir „leiðréttingu Google”

Daily Caller birti tölvubréf sem lekið hafði verið og sýndu hvernig Goggle ræddi um að ritskoða Breitbart, Daily Caller og aðra netmiðla íhaldsmanna svo þeir sæjust ekki við leitun með Google. Greinilega hefur Google tekist þetta, því umferð til þessarra netmiðla hefur því sem næst horfið að sögn Real Clear Politics (sjá graf).

Íhaldssamir netmiðlar í Svíþjóð eins og Fria Tider segja frá því, hvernig ómögulegt sé að finna síður miðilsins núna með Google nema með sérstakri leit þar sem t.d. fyrirsögn er slegin inn. Áður komu þessar síður sjálfkrafa upp við leit hjá Google en síðurnar koma áfram upp á eðlilegan hátt með leitarvélum eins og Bing og Duckduckgo.

Flokkar netmiðla eftir „trúverðugleika”

Samkvæmt Real Clear Politics lét Googles starfsmenn sína rannsaka netmiðla og flokka eftir „hversu trúverðugar” þeir voru. Gögn hafa lekið út frá Google sem staðfesta þessi vinnubrögð. Fæst stig fá netmiðlar með fréttir og fréttatengt efni „sem stríðir gegn hefðbundnu samdóma áliti sérfræðinga.” Starfsmönnunum er uppálagt að grundvalla mat sitt á textum á Wikipediea en þar hafa vinstri menn verið svo duglegir að skrifa sjónarmið sín að stofnandi Wikipedia Larry Sanger segir að búið sé að drepa hlutleysi netbókarinnar.

Goggle hefur einnig á stefnu sinni að svartlista vissa vefmiðla en segist gera það sjaldan. Þegar Matt Gaetz þingmaður í fulltrúadeildinni spurði Sundar Pichai forstjóra Google um ritskoðun á Breitbart og Daily Caller m.fl. þá sagði Pichai að þeir miðlar sem væru svartlistaðir séu þeir „sem tjá ofbeldissinnaðar öfgastefnur eða blanda sér í kosningar.”

Matt Gaetz spyr forstjóra Googles erfiðra spurninga í yfirheyrslu hjá bandaríska þinginu.

Geoffrey Ingersoll ritsjóri Daily Caller skrifaði um yfirheyrslur þingsins: „Það er fáranlegt að svartlista okkur að sögn vegna samstarfs við yfirvöld til að stöðva öfgastefnur eða inngrip í kosningar. Við höfum staðfesta starfsmenn út um alla Washington DC. Við erum ekki IS. Að Pichai notast við baráttu gegn öfgastefnum er tóm della til þess einfaldlega að afvegaleiða málin.”

Ákvörðun Google um að útiloka síður frá því að sjást við leitun á netinu getur haft áhrif. Samkvæmt athugun frá 2015 getur ein leitarvél sem stjórnar hvað er sýnt, haft áhrif á allt að 10% kjósenda sem ekki hafa gert upp hug sinn í kosningum. Real Clear Politics kemst að þeirri niðurstöðu að einokunarstaða Google sé „alvarleg ógn við lýðræðið.”

Athugasemdir

athugasemdir

Deila