Það er engin tilviljun að Ísland sé komið á gráan lista og að stjórnvöld hafi vanrækt að setja upp varnir gegn peningaþvætti. Þetta var meðal þess sem fram kom í máli Guðmundar Franklín Jónssonar viðskiptafræðings í síðdegisútvarpinu í dag en hann var gestur Péturs Gunnlaugssonar.
Guðmundur segir að hér á landi séu öfl sem hafi hagsmuni af því að hér séu engar varnir gegn peningaþvætti og því hafi ekki verið brugðist við
“ það eru flokkseigendafélögin, þetta er bara spilling og það má eiginlega segja að Íslandi sé stjórnað af glæpamönnum, ef það væri ekki þannig þá væri Ísland ekkert á gráum lista, ég meina það er ekki einu sinni hægt að stofna bankareikninga erlendis„,segir Guðmundur.
Hlusta má á þáttinn í spilaranum hér að neðan.