Guðni Ágústsson fyrrverandi ráðherra mun næstkomandi sunnudag kl.16:00 hefja lestur Bennu-Njálssögu hér á Útvarpi Sögu en Guðni er mikill áhugamaður um söguna og í síðdegisútvarpinu í dag ræddi Arnþrúður Karlsdóttir við Guðna og áhuga hans á þessu einstaka bókmenntaverki.
Í þættinum sagði Guðni frá því að bókin hefði mótað hann mjög sem einstakling og snerust leikir í æsku meðal annars um þessa einstöku sögu og sagði Guðni hann og systkyni hans hafa leikið persónur Brennu-Njálssögu og segir Guðni að hann hafi alltaf tekið að sér hlutverk Gunnars á Hlíðarenda, aðalhetju sögunnar.
Guðni sagði í þættinum það mikinn heiður að fá að hefja lestur Brennu-Njálssögu á Útvarpi Sögu og sagði frá því að hann hefði leitað góðra ráða hjá Jóhanni Sigurðarsyni leikara við lesturinn
“ ég bað Jóhann þennan mikla leikara um að lesa úr bókinni eins og hann myndi lesa þetta og af því lærði ég heilmikið„, segir Guðni.
Í þættinum fengu hlustendur að heyra brot af lestri Guðna.
Hlusta má á viðtalið í spilaranum hér að neðan.
