Guðrún Kristín miðill les í þjóðfélagsmálin. Segir Gylfa Þ. Sigurðsson knattspyrnumann saklausan og að Alþingi þurfi að koma saman í ágúst vegna Covid

Guðrún Kristín Ívarsdóttir spákona og miðill

Guðrún Kristín Ívarsdóttir spákona og miðill hefur undanfarin ár sett fram áramótaspá hér á Útvarpi Sögu og þá hefur hún komið öðru hverju í heimsókn þegar stórmál skekja samfélagið og sagt hlustendum frá því sem hún sér um þau mál sem efst eru á baugi hverju sinni. Guðrún var gestur Arnþrúðar Karlsdóttur í síðdegisútvarpinu í dag og ræddi þar meðal annars um MeeToo hreyfinguna, nafnlausar ásakanir og Kórónuveirufaraldurinn og hinar umdeildu bólusetningar. Við vekjum athygli á að spáin er einungis samkvæmisleikur.

Gylfi og Ingó verða hreinsaðir af ásökunum sem á þá eru bornar

Guðrún segir að það mál sem mjög mikið hefur verið rætt um undanfarna tvo daga, lögreglurannsókn á hendur Gylfa Þór Sigurðssyni knattspyrnumanni muni varpa ljósi á að Gylfi hafi verið leiddur í gildur af aðilum sem vilja koma í hans stað hjá Everton. Hún segir að í kjölfar málsins muni Gylfi taka sér hlé frá fótboltanum á meðan hann nái áttum á ný.

Þá segir Guðrún að ásakanir á hendur Ingó veðurguð muni fara sömu leið og hann verði hreinsaður af þeim. Málið leiði svo til þess að hópur einstaklinga sem standi fyrir þeim, sem samanstendi af konum og körlum verði ákærð og dæmd fyrir ummæli sín. Hún segir að ásakanirnar á hendur Ingó sem sé hluti af einhvers konar kvennabaráttu eiga sér rætur í hatri gagnvart frægum einstaklingum og spáir Guðrún því að sami hópur og standi að ásökunum á hendur Ingó muni ásaka fleiri fræga einstaklinga áður en langt um líður.

Útihátíðir blásnar af vegna Covidsmita og allt í lás eftir tvær vikur

Guðrún ræddi einnig framgang faraldursins og hina mikla fjölgun smita sem greinst hafa að undanförnu. Hún segir unga fólkið vera orðið reitt og finnist það hafa verið blekkt með misvísandi og röngum upplýsingum, og farið í bólusetningu í trausti þess að það væri öruggt. Hún segir að hún telji að eftir um tvær vikur verði hörðum aðgerðum komið á hér á landi og allt verði í raun sett í lás.

Þá segir Guðrún að þriðja sprautan sem rætt hefur verið um muni ekki gagnast gegn veirunni frekar en þær fyrri enda sé veiran búin að stökkbreytast. Þá verði þingið kallað saman í ágúst vegna stöðunnar en á þingi muni ríkja stríðsástand vegna þess að þess reynt verði að koma á skyldubólusetningu, ósamstaðan komi ekki á óvart enda hafi verið treyst um of á bólusetningar og nú sé komin upp bylgja á ný sem ekki muni ljúka fyrr en um miðjan september. Faraldrinum muni hins vegar vera langt í frá lokið því honum muni ekki ljúka fyrr en í mars eða apríl árið 2023.

Bandaríkjamenn og kínverjar bera ábyrgð á veirunni

Guðrún segir að það eigi eftir að koma í ljós að Bandaríkjamenn hafi þróað veiruna í samvinnu við kínverja og sé veiran í rauninni lífefnavopn. Trump fyrrverandi forseti hafi ekki sagt sitt síðasta í málinu og muni koma fram með bombur sem muni varpa ákveðnu ljósi á málin.

Hlusta má á viðtalið í spilaranum hér að neðan

Athugasemdir

athugasemdir

Deila