Kreppan herðir tökin á Svíum
Samkvæmt nýrri könnun SVT/Novus gæti helmings hækkun vaxta á lánum neytt um hálfa milljón Svía til að selja bústaðinn. Þetta sýnir ný könnun frá SVT/Novus.
Sænska millistéttin á undir högg að sækja eftir mörg ár með lán á lágum vöxtum, þegar vextir sækja í það sem áður var talið eðlilegt.
Sænski seðlabankinn hefur nú hækkað stjórnvexti í 1,75 % og er búist við frekar miklum hækkunum í framtíðinni.
Í könnun Novus segjast aðeins 4 af hverjum 10, að þeir ráði við tvöföldun vaxta. 7 % segjast hugsanlega þurfa að flytja. Torbjörn Sjöström, forstjóri Novus, segir við SVT:
„7 % hljómar kannski lítið en það er samt um hálf milljón fullorðinna Svía.“
Claudia Wörmann, hagfræðingur hjá SBAB, segir við Aftonbladet að við séum nú komin í „mjög alvarlegri stöðu“:
„Það eru ekki bara vextirnir sem hleypur af stað, það eru líka grundvallarþættir eins og rafmagn, matur og eldsneyti. Það er ekki svo auðvelt að draga inn notkun á þessu öllu.“
