Í gærkvöldi hefði annar kappræðufundur forsetaframbjóðendanna átt að vera en nefndin sem stjórnar kappræðunum ákvað að fundinn ætti að halda á netinu sem Donald Trump samþykkti ekki. Í staðinn hefur sá fundur verið fluttur fram eina viku til fimmtudags 22. október n.k. í Belmont háskólanum í Nashville, Tennessee. Umræðuefni verða m.a. baráttan gegn COVID-19, bandarísk fjölskyldumál, kynþáttamálefni, loftslagsmál, þjóðaröryggi og stjórnunarhæfileikar.
Reiði greip um sig í herbúðum Demókrata að sjónvarpsstöðin NBC skyldi bjóða Trump í umræðufund með útsendingu á nákvæmlega sama tíma og Joe Biden var á umræðufundi í beinni útsendingu hjá sjónvarpsstöðinni ABC. Áttu sumir fylgjendur Demókrata á sjónvarpsstöðinni NBC erfitt með að hemja reiði sína og var fyrirspyrjandi Trumps eins og morrandi hákarl sem sífellt þjarmaði að Trump og leifði honum varla að tala heila setningu til enda. Annað var uppi á teningnum hjá fyrirspyrjanda Joe Biden sem strauk honum meðhárs eins og nýfæddum kettlingi, mótmælti aldrei neinu og tók ekki upp erfið mál eins og hneykslismál með tölvubréf sonarins. Fékk Biden að tala eins lengi og honum sýndist án framíkalla og truflana.
Þjóðin tvískipt – Trump dregur þyngra hlass en Biden
Savanna Guthrie hellti spurningunum yfir Trump: „Ertu enn þá með COVID einkenni? Fékkstu minnsta skerf af lugnabólgu? Tókstu veirupróf fyrir kappræðufundinn með Biden eins og Kappræðunefnd forsetaframbjóðanda hafði krafist?“ Trump benti á að sem forseti væri hann með marga lækna og það væru tekin næstum daglega próf úr honum án þess að hann vissi alltaf fyrir hvað. „Læknarnir hafa mjög nákvæmar upplýsingar.“
Næst hellti Guthrie sér yfir Trump fyrir að fordæma ekki hvít öfgahægriöfl. Trump hristi höfuðuð og sagðist alltaf hafa fordæmt hvít hægriöfgaöfl en fjölmiðlarnir tækju málið alltaf fyrir aftur og aftur: „Ég er á móti öfgahægriöflum. Næsta spurning?“ Guthrie hélt áfram og þá spurði Trump „Af hverju spyrjið þið aldrei Joe Biden af hverju hann fordæmir ekki ANTIFA hreyfinguna sem brennir niður borgir okkar, drepur og eyðileggur?“
Trump sigraði staðgengil Joe Biden
Fólk í salnum með spurningar til Trumps komst ekki að fyrstu 20 mínúturnar sem Trump var grillaður. Tim Murtaugh talsmaður Trump sagði eftir fundinn að „Þrátt fyrir að nefndin lagði niður kappræðufundinn milli frambjóðandanna sem gæti hafa átt sér stað í kvöld, þá varð annar fundanna í kvöld engu að síður einn slíkur. Trump forseti sigraði Savannah Guthrie hjá NBC í hlutverki kappræðuandstæðings og staðgengils Joe Biden.“
Demókratar réðu sér ekki af hrifningu yfir glæsilegr frammistöðu Guthrie og Jon Favreau ræðusmiður Obama sagði að „hún ætti að halda fund með Trump á hverju kvöldi fram að kjördegi.“ Sumir telja þó að fautaframkoma Guthrie hafi látið Trump líta út eins og bjartsýnismann sem fékk fólk í upptökusalnum á sitt band. Til marks um það var bent á konu sem sást að baki Trump sem lyfti reglulega upp þumalfingrinum á meðan Trump talaði og er orðin fræg á félagsmiðlum sem „hetjan sem okkur vantar núna.“ Úr búðum demókrata er bent á hana sem „sálfræðibrellu.“
Eins og að horfa á sjónvarpsþáttinn „Nágrenni Herra Rodgers“
Í umræðuþætti Joe Bidens var aldrei tekin upp spurningin um spillingu sonar hans í Úkraínu og Kína en fjölmiðlastríð geisar í Bandaríkjunum um þau mál núna. M.a. hafa forstjórar Twitter og Facebook verið kallaðir til yfirheyrslu hjá Bandaríkjaþingi eftir nokkra daga fyrir að loka á og ritskoða uppljóstranir um hneykslismálið. Telja margir þá ritskoðun vera stærsta hneykslismál forsetakosninganna þar sem gögn sanna að Joe Biden hafi logið til um tengsl sín sem varaforseti í viðskiptum sonarins. Biden fékk spurningu frá fyrirspyrjenda í salnum hvort hann myndi taka bóluefnið sem Trump hefði svo oft sagt að bráðlega yrði á boðstólnum og játaði Biden því en sagði að „Forseti Trump talar um hluti sem eru ekki nákvæmir í öllum atriðum. Málið er að ef vísindamenn segja að bóluefnið sé tilbúið og búið að prófa það í þremur stigum, já þá myndi ég taka það og hvetja fólk til að gera slíkt hið sama. Forseti Trump segir allt mögulegt frá snarrugluðum hluti sem hann hefur snúið baki við núna eins og „sprautið klór í hendina og það mun virka vel.“
Segist ekki ætla að minnka fjárframlög til lögreglu
Biden sagði í svari til ungs blökkumanns að „ungir blökkumenn hefðu völdin til að ákveða útkomu kosninganna ef þeir nýttu kosningaréttinn.“ Sagðist Biden ekki ætla að minnka fjárframlög til lögreglu en að lögreglan fengi betri verkfæri án þess að það hefði áhrif á fjárlögin: „Lögreglumenn eru að einhverju leyti eins og skólakennarar núna. Þú skilur, kennarar verða að vita allt frá… því hvernig á að höndla hungur á heimilinu eins og að kenna lestur. Jæja, lögreglumenn hafa ekki þá breidd.“
Biden gaf furðulegt svar við spurningunni um hvort hann hyggðist fjölga í Hæstarétti og hvort kjósendur ættu ekki rétt á að vita um það fyrir kosningar. „Það fer eftir því hversu mikið þeir eru að flýta sér“ (að setja Amy Coney Barret inn í hlutverk dómara). Biden lofaði að gefa svar fyrir 3. nóvember. Hann lofaði einnig að banna ekki vinnslu á olíu og gasi en hefur marg oft lýst því yfir áður að hann muni gera það í nafni umhversmála.
Verður spennandi að fylgjast með framvindu kosningabaráttunnar og þá sérstaklega væntanlegum kappræðufundum frambjóðendanna fyrir sjálfan kjördaginn 3. nóvember.
Þátturinn með Joe Biden er hér á þriggja tíma bandi frá ABC og hefst á mínútu 1.01.09
