Heilaþvottur og innræting á sér stað innan menntakerfisins allt frá því börn byrja á leikskóla og það hefur leitt til þess að unga fólkið er upp til hópa er orðið að róttækum vinstrimönnum. Þetta var meðal þess sem fram kom í máli Guðbjörns Guðbjörnssonar stjórnsýslufræðings í síðdegisútvarpinu í dag en hann var gestur Arnþrúðar Karlsdóttur og Péturs Gunnlaugssonar.
Guðbjörn segir að þetta megi sjá best á því á hvaða málaflokkum unga fólkið hefur áhuga og hvaða pólitík það stundar, meðal annars loftslagsmál og málefni hælisleitenda. Þá segir Guðbjörn að aðrir flokkar sem hingað til hafi ekki talið sig til vinstri séu einnig farnir að breytast í vinstri flokka
“ meira segja Sjálfstæðisflokkurinn er farinn að laga sig að þessum kommaáróðri, hann er næstum farinn að aðhyllast No borders, stefnu Gretu Thunberg í loftslagsmálum og ef horft er yfir sviðið þá er Sjálfstæðisflokkurinn búinn að ættleiða öll þessi vinstri málefni og taka upp á sína arma, hann er kominn langt til vinstri og þess vegna eru aðeins 20% að kjósa hann í dag„,segir Guðbjörn.
Hlusta má á þáttinn í spilaranum hér að neðan
