Þátttaka Íslands í Evrópusamstarfi um málefni fólks með heilabilun staðfest 

Heilbrigðisráðherra hefur ákveðið samstarfsyfirlýsing sem kveður á um formlega aðild heilbrigðisráðuneytisins að faglegum samstarfsvettvangi evrópsk sérfræðingahóps um málefni einstaklinga með heilabilun (The European Group og Governmental Experts on Dementia) verði staðfest.

Ráðuneytið hefur tekið þátt í samstarfinu undanfarið eitt og hálft ár og hefur það nýst vel, meðal annars við stefnumótun og gerð aðgerðaáætlunar um þjónustu við einstaklinga með heilabilun sem birt var í apríl síðastliðnum.

Með undirrituninni er samstarfið formgert en þar er skilgreint hvað í því felst, fjallað um einstaka efnisþætti og verkþætti, stjórnun og fjármögnun samstarfsins.

Fjöldi Evrópuþjóða tekur þátt í samstarfinu þar sem koma saman sérfræðingar ráðuneyta sem fara með málefni einstaklinga með heilabilun en skipulag og umgjörð samráðsfunda er á hendi evrópsku Alzheimersamtakanna (Alzheimer Europe).

Þá hefur heilbrigðisráðuneytið á einnig í norrænu samstarfi um málefni fólks með heilabilun þar sem unnið er að ýmsum verkefnum og faglegum sjónarmiðum og þekkingu deilt.

Athugasemdir

athugasemdir

Deila