Willum Þór Þórsson heilbrigðisráðherra sagði á fundi velferðarnefndar Alþingis í dag að það væru engar staðfestar rannsóknir til um hvaða áhrif bólusetningar gegn Covid-19 hafa á börn og þær myndu ekki liggja fyrir fyrr en á árinu 2026. Þar með viðurkenndi ráðherra að um tilraunir með líftæknilyf séu að ræða.
Það var Guðmundur Ingi Kristinsson þingmaður Flokks fólksins sem spurði ráðherra um hvort og hvaða rannsóknir lægju fyrir um hvaða áhrif bólusetningarnar kynnu að hafa á börn. Guðmundur benti á að fyrr á fundinum hafi Kamilla Sigríður Jósefsdóttir, verkefnisstjóri hjá embætti landlæknis svarað því til að þær rannsóknir sem yfirvöld hér á landi vísuðu til hefðu verið gerðar af Pfizer, framleiðanda bóluefnisins sem gæti eðli málsins samkvæmt ekki talist vera hlutlaus aðili og hvort ekki væri rétt að bíða þar til staðfestar rannsóknir liggi fyrir. Því svaraði Willum að erfitt væri að bíða eftir þeim rannsóknum þar sem þeirra væri ekki að vænta fyrr en á árinu 2026. Þá vakti athygli að Þórólfur Guðnason ákvað að vera ekki viðstaddur fundinn og var Kamilla Sigríður í hans stað.
Ráðherra ekki kunnugt um bólusetningaráætlun lyfjarisanna
Þá virtist ráðherra ekki vera kunnugur þeim samningum sem gerðir voru við lyfjafyrirtækin hvað áætlunum um bólusetningar varðar og sagði að ákvörðun hafi verið tekin um bólusetningarnar 3.desember en í samningnum sem haldið hefur verið leyndum fyrir almenningi og þinginu kemur skýrt fram að þessi tímasetningin er samkvæmt þeirri áætlun sem fram kemur í samningnum og farið sé eftir.
Lítið sem ekkert vitað um áhrif bóluefnanna á hormónastarfsemi barna
Kamilla Sigríður var spurð út í það hvort vitað væri um hvaða áhrif bólusetningarnar hefðu á hormónastarfsemi barna sem séu á kynþroskaskeiði sagði Kamilla að lítil væri vitað um hvaða áhrif bólusetningarnar hefðu á hormónastarfsemina:
„Við vitum ekki nóg um þetta það er alveg klárt“ sagði Sigríður
Í síðdegisútvarpinu í dag ræddu Arnþrúður Karlsdóttir og Pétur Gunnlaugsson við Guðmund Inga Kristinsson þingmann Flokks fólksins um það sem fram kom á fundinum og segir Guðmundur að hann voni að ráðherra kalli eftir nánari svörum við þeim spurningum sem fram komu á fundinum áður en farið verði í Covid bólusetningar á börnum
„það er auðvitað skelfilegt ef það er verið að fara sprauta einhverju efni í börn sem við fáum ekki svör við fyrr en árið 2026 hvort að sé í lagi“ segir Guðmundur.“
Hér að neðan má hlusta á Guðmund Spyrja Kamillu út í rannsóknir um áhrif bóluefna á börn
Hér að neðan má heyra svar Willum Þórs við spurningu Guðmundar um hvaða rannsóknir hafi verið gerðar á bóluefnunum
Hér að neðan má heyra svar Kamillu Sigríðar um áhrif bóluefna á hormónastarfsemi barna
Hér að neðan má hlusta á fund velferðarnefndar í heild
