Nú er tími til þess að hugleiða hvort gera eigi kerfisbreytingar á velferðarkerfinu, með því meðal annars hvort setja eigi upp kerfi sem býður upp á borgaralaun. Þetta var meðal þess sem fram kom í máli Jóns Baldvins Hannibalssonar fyrrverandi utanríkisráðherra í þættinum Heimsmálin, fréttir og fréttatengt efni af erlendum vettvangi í dag en hann var viðmælandi Arnþrúðar Karlsdóttur.
Jón segir að með því að borga fólki borgaralaun sé augljóslega ákveðin framfærsla tryggð
“ og þetta þýðir auðvitað að gerðar yrðu grundvallar kerfisbreytingar„.
Aðspurður um hvernig fjármagna eigi slík borgarlaun segir Jón
“ ef við værum að tala um að taka upp borgaralaun í Noregi liggur svarið í augum uppi það væri auðvitað tekið úr þjóðarsjóði, en þær þjóðir sem hafa tekið þetta upp eru mjög ánægðar með reynsluna af þessu, þetta er nokkurs konar öryggisventill„.
Hér á landi hefur verið talsvert umræða um þjóðarsjóð í samengi við auðlindir landsins og segir Jón Baldvin sína sýn á þau mál alveg skýra
“ ef við horfum á sjávarauðlindina þá er þetta einfalt, það verður að hætta þessari rányrkju, þetta á að vera bara rétt eins og með leiguhúsnæði, leigusalinn á að fá sína rentu og leigjandinn á ekki að framselja afnotarétt sinn og ekki heldur að veðsetja eignina, það einfaldlega gengur ekkert upp„.
Hlusta má á þáttinn í spilaranum hér að neðan.
