James C. Smith forstjóri fréttastofu Reuters situr einnig í stjórn lyfjaframleiðandans Pfizer en Reuters er ein stærsta fréttastofa heims og hefur mikla útbreiðslu á heimsvísu. Fjallað var um málið Heimsmálin, fréttir og fréttatengt efni af erlendum vettvangi í dag en í þættinum ræddi Arnþrúður Karlsdóttir við Hauk Hauksson fréttamann í Rússlandi.
Töluvert hefur verið fjallað um ritskoðun samfélagsmiðla sem og meginstraumsfjölmiðla í faraldrinum og því er óhætt að segja að seta James C. Smith í stóli forstjóra Reuters veki upp spurningar. Dæmi um slíkt er nýleg frétt Útvarps Sögu um aukaverkanir á bóluefni Pfizers, en Rauters hafði áður birt fréttir um að einmitt sú gerð aukaverkana gætu alls ekki komið í kjölfar bólusetningar með Pfizer.
Þegar eigendalisti Pfizer er rakinn má nefna að Blackrock og Vanguard eru stærstu eigendur lyfjarisans. Krosseignatengsl Blackrock og Vanguad og samfélagsmiðla vekja athygli en fimm stærstu eigendur í Blackrock eru Microsoft, Facebook, Apple, Google og Amazon. Stærstu eigendur Vanguard eru Microsoft, Facebook, Google og Apple.
Þá er Vanguard Group er einn af 5 stærstu eigendum í Thomson Reuters. Eins og þekkt er hafa samfélagsmiðlarnir sem tengdir eru Pfizer sett upp sérstaka merkimiða við fréttir sem deilt er á svæði samfélagsmiðlanna og innihalda umfjallanir um bólusetningar, bóluefni og hvaðeina annað sem tengist faraldrinum. Þá hafa miðlarnir dregið úr dreifingu frétta sem fjalla á neikvæðan hátt um bólusetningar, bóluefni eða vara við mögulegum skaðlegum áhrifum af völdum bóluefnanna.
Hlusta má á þáttinn í spilaranum hér að neðan
