Hið opinbera í Svíþjóð verður sífellt meira fyrir barðinu á glæpamönnum og er nú svo komið að glæpaklíkur eru farnar að herja á opinberar stofnanir í landinu innanfrá.
Í þættinum Heimsmálin, fréttir og fréttatengt efni af erlendum vettvangi í dag var Gústaf Skúlason fréttaritari í Stokkhólmi viðmælandi Péturs Gunnlaugssonar greindi Gústaf frá glæpamönnum sem hafði tekist að fá sig ráðna á vinnumálastofnun Svíþjóðar.
Að sögn Gústafs var áhugi þeirra á starfinu ekki til kominn vegna einskærrar vinnusemi skúrkana heldur hafi tilgangurinn verið annar og mun verri
“ þeir komu sér þarna fyrir til þess að kynna sér kerfið innanfrá og hvernig virkni þess er, allt í þeim tilgangi að geta misnotað velferðarkerfi landsins„, segir Gústaf.
Lögreglan þar ytra hefur greint frá því að glæpamennirnir tilheyri einum af þeim 40 glæpahópum sem herja á kerfið í Svíþjóð og segir lögreglan að glæpamenn sem koma sér fyrir innan kerfisins með slíkum hætti sé gríðarleg ógn fyrir allt velferðarkerfið.
Hlusta má á þáttinn í spilaranum hér að neðan.
