Ný heimsstjórn sem nú er í undirbúningi og er skipuð heimsvaldasinnum, sem oft eru nefndir glóbalistar, kínverjum og fleiri slíkum öflum ætlar að afnema landamæri landa heims, útrýma millistéttinni, minni og meðalstórum fyrirtækjum, og verða stórfyrirtæki þau einu sem leyft verður að starfa. Þetta var meðal þess sem fram kom í máli Hauks Haukssonar í þættinum Heimsmálin, fréttir og fréttatengt efni af erlendum vettvangi í dag en Haukur var viðmælandi Arnþrúðar Karlsdóttur.
Fram kom í þættinum að stórir samfélagsmiðlar og fjölmiðlar hafi það hlutverk að reka áróður gegn þeim sem gætu mögulega staðið í vegi fyrir því að ætlan heimsvaldasinna nái fram að ganga, gott dæmi um þetta sé hvernig samfélagsmiðlar og fjölmiðlar hafa rekið með markvissum hætti gegn Donald Trump, nú síðast með því að loka aðgangi forsetans á Twitter.
Bent var á í þættinum að Trump hefur um árabil reynt að sporna við þeirri þróun sem nú á sér stað, meðal annars hafi hann sagt á fundi í Davos þar sem heimsstjórnin var rædd að hann tæki ekki þátt í slíku og þá hafi hann sett þak á gróðastarfsemi spilltra stórfyrirtækja af ýmsu tagi, meðal annars lyfjarisanna.
Samfara þessu muni mikilvægi minni fjölmiðla aukast mjög því hlutverk hinna stærri verður fyrst og fremst að þjóna þeim sem vilja viðhalda nýrri heimsstjórn og ritstýra allri umræðu og ritskoða eftir þörfum spilltra afla.
Stefna nýju heimsstjórnarinnar er í stuttu máli sú að elíta heimsins stjórni heiminum, millistéttin verði ekki til, allur rekstur verði í höndum örfárra risafyrirtækja og sem flestir verði atvinnulausir og lifi á bótum.
Í þættinum kom fram að fleiri miðlar eins og Wikipedia séu hluti af þeirri heild sem beitt sé í þágu nýrrar heimsstjórnar. Síðan séu margir fjölmiðlar meðvirkir eins og stóru íslensku fjölmiðlarnir sem haga sínum fréttaflutningi í takt við flokkslínur Demókrata í Bandaríkjunum, og vilja Evrópusambandsins.
Hlusta má á viðtalið í spilaranum hér að neðan.
