Tölvupóstur sem fannst fyrir tilviljun varpar ljósi á að fullyrðingar Joe Biden um að hann hafi ekki vitað af vafasömum viðskiptum sonar síns eru rangar. Þetta var meðal þess sem fram kom í máli Gústafs Skúlasonar í þættinum Heimsmálin, fréttir og fréttatengt efni af erlendum vettvangi í dag.
Forsaga málsins er sú að tölva sem var í eigu Hunter Biden, sonar Joe Biden var send til viðgerðar hjá tölvuverkstæði en var aldrei sótt. Þegar líða fór á og tölvan hafði ekki verið sótt skoðaði viðgerðarmaðurinn innihald tölvunnar og samkvæmt upplýsingum var manninum mjög brugðið við það sem þar var að finna. Maðurinn afhenti því Alríkislögreglunni F.B.I tölvuna en svo heyrðist lítið af málinu og hafði Alríkislögreglan ekki samband við manninn á ný.
Svo virðist sem málið hafi hvorki verið rannsakað né fellt niður og undrast viðgerðarmaðurinn þögnina um innihald tölvunnar. Í tölvupóstinum og öðrum gögnum í tölvunni er meðal annars að finna staðfestingu um það sem faðir hans hefur margoft neitað, að Hunter hafi notað stöðu sína í stjórn Burisma til að skapa tengsl við varaforseta Bandaríkjanna til að fá áhrif til viðskipta.
Málið er núna komið til Bandaríkjaþings þar sem það er til nánari skoðunar.
Hlusta má á þáttinn í spilaranum hér að neðan
