Hernaðarstefna Joe Biden forseta Bandaríkjanna er komin á fullt skrið og styður Evrópusambandið við aðgerðirnar með því að beita hinum ýmsu viðskiptaþvingunum, en þær hafa þegar staðið yfir í þó nokkurn tíma. Þetta var meðal þess sem fram kom í máli Hauks Haukssonar fréttamanns í Moskvu í síðdegisútvarpinu í dag en hann var viðmælandi Arnþrúðar Karlsdóttur og Péturs Gunnlaugssonar.
Haukur bendir á að margir fjölmiðlar spili með í þessum stríðsleik og áróður sé rekin gegn Assa forseta Sýrlands á þeim vettvangi.
Ljóst er að stríðsstefna Biden er vatn á myllu auðugra hagsmunaafla, meðal annars olíuframleiðenda, byggingarverktaka og fjármálafyrirtækja. Haukur bendir á að viðskiptaþvinganir Evrópusambandsins bitni á saklausum borgurum landsins og hernaðaður Bandaríkjamanna mun gera það einnig.
Haukur segir að viðskiptaþvinganirnar séu þaulhugsaðar með það að leiðarljósi að grafa undan Assad forseta, svo hægt sé að kenna honum um bágborið ástand og fátækt í landinu. Tilgangurinn sé augljós að mati Hauks, þetta sé gert markvisst í þeim tilgangi að réttlæta stríðsrekstur gegn Sýrlandi.
Hlusta má á viðtalið í spilaranum hér að neðan
