Í nýju bréfi frá John Ratcliffe forstjóra stofnunar Þjóðaröryggismála (National Intelligence) til Lindsey Graham, formanns laganefndar öldungardeildar Bandaríkjaþings, lyftir Ratcliffe af þagnaði á nokkrum atriðum rannsóknar á rógburði gegn Bandaríkjaforseta þar sem gefið var í skyn að Donald Trump væri rússneskur njósnari og sekur um tölvuinnbrot hjá Demókrataflokknum.
John Podesta kosningastjóri Hillary Clinton sagði að brotist hefði verið inn í tölvur Demokrata og tölvupóstum flokksins stolið og sagði rússnesku ríkisstjórnina standa að baki árásinni með aðstoð Donald Trump sem þá var í framboði til Bandaríkjaforseta. Rógsherferðin kom sér einkar vel fyrir Hillary Clinton sem þá var mitt uppi í eigin hneykslismáli með eyddum tölvubréfum í tölvu sinni en Wikileaks hefur birt öll þau bréf.
Í bréfi Ratcliffe segir að í júlí á árinu 2016 hafi leyniþjónusta Bandaríkjanna komist yfir upplýsingar frá Rússlandi þar sem fullyrt var „að Hillary Clinton forsetaframbjóðandi hefði gert áætlun um að hleypa af stokknum hneyksli gegn Donald Trump forsetaframbjóðenda með því að bendla hann við Pútín og meinta hökkunarárás Rússa á þjóðarnefnd Demókrataflokksins.“ Segir Ratcliffe að ekki sé vitað um sannleiksgildi þessarra upplýsinga, hvort þær byggi á staðreyndum eða séu falskar.
Síðar skrifar Ratcliffe, að Brennan fv. forstjóri CIA hafi „samkvæmt eigin minnisblaði“ upplýst Obama m.a. um „samþykkt Hillary Clinton 26. júlí 2016 á tillögu frá ráðgjafa sínum um að hleypa af stokknum hneykslismáli, þar sem Donald Trump sé sagður vera í samstarfi við leynilþjónustuna í Rússlandi.“
Ratcliffe segir einnig að þann 7. september 2016 hafi bandaríska leyniþjónustan sent upplýsingar til James Comey, forstjóra FBI, og Peter Strzok um „samþykki Hillary Clintons á áætlun til að villa um fyrir almenningi sýn á notkun hennar á einkatölvu við sendingu opinberra tölvupósta með því að breiða út að Donald Trump forsetaframbjóðandi og rússneskir tölvuþrjótar ætluðu að koma í veg fyrir forsetakosningarnar 2016.“
