Joe Biden Bandaríkjaforseti vill að við föllumst á, að loftslagsbreytingar „ógni tilvist“ mannkynsins. Sérstakur sendifulltrúi forsetans í loftslagsmálum, John Kerry, flytur boðskapinn að „loftslagskreppan í heild ógnar öryggi þjóða vegna þess að hún truflar daglegt líf mannkyns um allan heim.“ Bandaríska þingkonan Alexandria Ocasio-Cortez segir, að árið 2030 muni „heimurinn líða undir lok … nema að við tökum á loftslagsbreytingum.“ Greta Thunberg er heimsfræg á því að ferðast um og virkja börn í hræðslu vegna „væntanlegra endaloka heimsins.“
Vinstri menn hóta okkur þannig með því, að hnattræn hlýnun þýði að himininn falli ofan á okkur en þeir vilja ekki, að við þekkjum til sex eftirfarandi þýðingarmikilla staðreynda:
Í fyrsta lagi: Steven Koonin, fv. orkumálaráðherra í ríkisstjórn Obama sýnir í nýrri bók sinni „Unsettled“ að reiknilíkön vinstri manna til að spá fyrir um hlýnun jarðar eru svo óhaldbær, að þau geta ekki einu sinni endurskapað þær hitabreytingar, sem orðið hafa á þessari öld. Ef þessi líkön geta ekki endurskapað hitastig sem áður voru þekkt þegar líkönin voru þróuð, hvernig geta þau mögulega spáð fyrir um hitastig áratugum saman í framtíðinni?
Í öðru lagi: Bók Koonin skjalfestir, að greining Sameinuðu þjóðanna sjálfra um loftslagsbreytingar bendi til þess, að möguleg neikvæð efnahagsleg áhrif sem hlýnun jarðar gæti haft að lokum eru svo lítil, að þau gefi ekki tilefni til að gripið sé til aðgerða.
Í þriðja lagi: Hafs og loftslagsstofnun Bandaríkjanna NOAA og stofnun Sameinuðu þjóðanna IPPC fullyrða, að engin tengsl séu á milli hlýnun jarðar og náttúruhamfara. Árið 2020 sagði NOAA: „það er ótímabært að draga neina örugga ályktun, að aukning gróðurhúsalofttegunda í andrúmsloftinu vegna athafna mannsins hafi haft nokkur greinanleg áhrif á virkni fellibylja á Atlantshafssvæðinu“ og „breytingar á virkni hitabeltishringrásarinnar … eru enn ekki greinanlegar.“ Samkvæmt Wall Street Journal segir IPPC „að einnig vanti sönnunargögn, sem sýna að hlýnunin skapi meiri storma og flóð.“
Í fjórða lagi: Á meðan hitastig jarðar hefur hækkað, þá hafa náttúruhamfarir orðið minna banvænar. Síðan 1920 hefur hitinn á jörðinni hækkað um 1,29 gráður á Celsíus og íbúar heims hafa fjórfaldast úr u.þ.b. tveimur milljörðum í yfir sjö og hálfan milljarð. – Samtímis hefur alþjóðagagnagrunnurinn um hamfarir EM-DAT, greint frá því, að fjöldi þeirra sem hafa farist vegna náttúruhamfara hefur lækkað um rúm 80 prósent, úr tæplega 55.000 á ári í minna en 10.000 árlega.
Í fimmta lagi: Sumir af bestu vísindamönnum heimsins telja, að hlýnun jarðar muni vera gagnleg frekar en skaðleg. Árið 2017 skrifaði hópur virtra vísindamanna – eins og Richard Lindzen hjá MIT, William Happer frá Princeton og Judith Curry frá Georgia Tech – „að athuganir síðustu 25 árin … sýna, að hlýnun vegna aukins CO2 í andrúmslofti er góðkynja.“ Bentu vísindamennirnir á, að koltvísýrlingur „er ekki mengandi efni heldur mikill ávinningur fyrir landbúnaðinn og annað líf á jörðinni.“
Í sjötta lagi: Hlýnun jarðar bjargar mannslífum. Rannsókn, sem breska læknatímaritið The Lancet birti árið 2015, leiddi í ljós að 17 sinnum fleiri deyja úr kulda en hita.
Þessi rannsókn 22 vísindamanna hvaðanæva að úr heiminum – sem rannsökuðu yfir 74 milljónir dauðsfalla í Ástralíu, Brasilíu, Kanada, Kína, Ítalíu, Japan, Suður-Kóreu, Spáni, Svíþjóð, Taívan, Taílandi, Bretlandi og Bandaríkjunum árið 1985 -2012 í „stærstu gagnasöfnun sem gerð hefur verið til að meta hitasambönd“ – sýnir að kuldi veldur 7,29 % þessarra dauðsfalla en hiti aðeins 0,42 %. Litlar breytingar á hitastiginu skipta máli: „miðlungs heitt og kalt hitastig“ olli 88,85% dauðsfalla tengdum hitastigi en „öfga“ hitastig aðeins 11,15%.
Látum ekki vinstrimenn leggja okkur í einelti með drakonískum aðgerðum og ástæðulausum fullyrðingum um yfirvofandi stórslys í loftslagsmálum. Þekkjum til staðreyndanna. Hlýnun jarðar er ekki vandamál.
Sjá nánar hér
