Afnám gjaldeyrishaftanna sem sett voru á í hruninu er ein af forsendum þess að þjóðin er nú betur í stakk búin til þess að takast á við Covid vandann. Þetta var meðal þess sem fram kom í máli Sigurðar Jónssonar blaðamanns og rithöfundar í síðdegisútvarpinu í dag en hann var gestur Ernu Ýrar Öldudóttur.
Sigurður segir afnámið hafa þó ekki hafa verið sérstaklega auðvelt ferli þegar horft er aftur um tímans öxl
“ hér voru vogunarsjóðir og kröfuhafar sem höfðu hreiðrað um sig í samfélaginu og tilvera þeirra gerði það að verkum að það var mjög erfitt að takast á við það að losa til dæmis um gjaldeyrishöftin til þess að almenningur gæti notið þess frjálsræðis að eiga í alþjóðlegum viðskiptum, það var því algjört lykilatriði að ná lendingu í uppgjöri við þessa aðila, og ég held að mér sé alveg óhætt að það var enginn beinlínis að setja kastljósið á þetta ástand sem ríkti hér„,segir Sigurður.
Hlusta má á þáttinn í spilaranum hér að neðan.
