Hópur gyðinga kærir Ísrael fyrir brot á Nürnberg samningnum vegna þvingaðra bólusetninga

Skúlptúr um gyðinga, fórnarlömb nasismans við Minnisvarða gyðinga í Berlín. (Ljósmynd © Juan MoyanoDreamstime.com)

Hópur íhaldssamra gyðinga segir, að Ísrael hafi í reynd innleitt bólusetningarkröfu, sem brjóti gegn Nürnberg-samningnum. Þess vegna stefnir hópurinn Benjamin Netanyahu forsætisráðherra Ísrael og stjórn hans fyrir Alþjóða Afbrotadómstólnum í Haag.

Ísrael er fyrsta landið í heiminum, sem þvingar íbúana til að bólusetja sig, ef þeir vilja getað vistast í öllum landshlutum og tekið þátt í skemmtana- og menningarlífi og ýmsum stórviðburðum. Ísraelir eru einnig fyrstir með kerfi bólusetningarskilríkja, sem veitir bólusettum einstaklingum fullt frelsi á meðan aðrir eru undanskildir og líkist því aðskilnaðarstefnunni að mati hópsins. Hópurinn Anshe Ha-Emet („Fólk sannleikans”), sem hefur lækna og lögfræðinga og aðra borgara sem meðlimi sem hafa áhyggjur af málinu, hefur sent formlega kæru til saksóknara Alþjóða Afbrotadómstólsins vegna meðferðar Ísraelsstjórnar á eigin þjóð.

Segja bólusetningar með bóluefni Pfizer vera læknisfræðilega tilraun á „rannsóknarstofu heimsins”

Í kærunni segir „Þegar forráðamenn heilbrigðisráðuneytisins og forsætisráðherrann kynntu bóluefnið í Ísrael og hófu bólusetningu ísraelskra ríkisborgara, komu engar upplýsingar um, að þeir sem létu bólusetja sig, tækju þátt í læknisfræðilegri tilraun og samkvæmt Nürnberg-samningnum ættu þeir að veita samþykki sitt fyrir slíku.“

Lögfræðistofa A. Suchovolsky & Co. Law í Tel Aviv telur, að kjarni samnings Netanyahu forsætisráðherra Ísraels við Pfizer sé, að bólusetningin sé læknisfræðileg tilraun og bæði samningurinn ásamt yfirlýsingum forsætisráðherrans sjálfs beri því vitni. Málið hefur borist dómstólnum í Haag og munu sérfræðingar dómstólsins taka afstöðu um hvort málið fari fyrir dómstólinn eða ekki.

Nürnberg-sáttmálinn varð til í kjölfar læknisfræðilegra tilrauna á Gyðingum í fangabúðum í seinni heimsstyrjöldinni og kveður á um, að það sé algjörlega siðlaust að þvinga eða að sannfæra einstaklinga til að taka þátt í læknisfræðilegum tilraunum. Hópurinn á bak við kæruna telur að þetta eigi sérstaklega við, eftir að Albert Bourla, forstjóri Pfizer, kallaði Ísrael „rannsóknarstofu heimsins,“ vegna þess að Ísrael samþykkti svo fljótt að fjöldabólusetja íbúana með bóluefni Pfizers.

Helförin hófst á mismunun einstaklinga eins og gert er núna með þá sem ekki láta bólusetja sig

Gilad Rosinger tekur virkan þátt í baráttunni gegn læknisfræðilegu aðskilnaðarstefnunni og segir: „Hvað hefur gerst sem hefur orðið til þess að við höllumst að algeru brjálæði? Þar sem fólk hrópar húrra fyrir þessari djöfullegu dagskrá? Afi minn var sá eini í allri fjölskyldunni sem lifði af helförina og það var einmitt þannig sem helförin byrjaði: með mismunun, með nauðsynlegum og ónauðsynlegum fyrirtækjum, með fólki sem sagði að gyðingar væru annars flokks borgarar … Núna snýst þetta ekki um gyðinga eða araba, það snýst ekki um það. Það snýst um það, hver tekur bóluefnið. Ef þú gerir það ekki, ert þú vondur og illgjarn, þú ert annars flokks borgari.”

„Háttsettir fulltrúar ríkisstjórnarinnar segja að senda eigi lögregluna heim til fólks sem ekki er bólusett og gera nöfn fólks opinber, sem ekki hafa tekið bóluefnið. Fara heim til þeirra? Gera nöfn þeirra opinber? Hvers slags ráðabrugg er þetta, hvílíkt einelti og hverslags harðstjórnarstefna og illmennska er þetta?” spyr Rosinger.

Athugasemdir

athugasemdir

Deila