Það að hundruðir þúsunda manna séu látnir eftir bólusetningar gegn Covid sýna svo ekki verður um villst að bólusetningarnar sem áttu að vernda fólk gegn smitum höfðu þessar hrikalegu afleiðingar í för með sér og ekki hefur enn verið að gripið inn í, heldur þvert á móti verið bætt í. Þetta var meðal þess sem fram kom í máli Guðmundar Karls Snæbjörnssonar sérfræðings í heimilislækningum í síðdegisútvarpinu í dag en hann var gestur Arnþrúðar Karlsdóttur. Arnþrúður rifjaði upp að nú um þessar mundir væri eitt ár liðið frá því að Íslendingar hefðu fengið “ seinni sprautuna“ og fólki hafi verið talinn trú um að þar með væri það fullbólusett og hefði því enga ástæðu til að óttast frekari veikindi af Covid 19. Þetta hafi verið í júní og júlí 2021. Nú sé verið að hvetja fólk til þess að fara í 4.sprautuna.
Guðmundur benti á í þættinum að þegar bólusetningar hafi hafist og þar til nú hafi fólk ekki verið upplýst um áhættuna sem fylgdi bólusetningunum, né ávinninginn og ekki heldur hvað sé í þessum sprautum sem nú er verið að bjóða fólki í fjórða sinn.
„þeir hafa ekki upplýst um innihaldið vegna þess að þeir vita ekki um innihaldið, hvorki sóttvarnalæknir eða umsjónarmaður bólusetninga sem hefur verið að hvetja fólk til þess að koma í sprautu hefur ekki eina einustu hugmynd hvað er í þessum sprautum, og því getur það ekki heldur sagt hvaða áhætta er af þeim“ segir Guðmundur.
Þann 24.nóvember árið 2021 ræddi Arnþrúður Karlsdóttir útvarpsstjóri við Óskar Reykdalsson forstjóra Heilslugæslunnar á höfuðborgarsvæðinu sem sagði aðspurður um að hann vissi ekkert hvert innihald sprautuefnanna væri. Hans hlutverk væri eingöngu að sjá um að sprautmeðferðin gengi eðlilega fyrir sig.
Guðmundur segir að fyrst og fremst sé um pólitíska aðgerð að ræða sem knúin er áfram af hagsmunaöflum, þetta megi til dæmis sjá af gjörðum WHO sem að 80% er fjármagnað af lyfjarisunum. Það megi einnig sjá hvernig WHO vilji hafa pólitísk ítök innan landa heims, meðal annars með því að seilast í völd yfir faraldurstengdum heilbrigðisákvörðunum innan landanna, Íslands meðal annars, eins og stofnunin hafi reynt að hrinda í framkvæmd í vor.
„við getum þakkað fyrir að þetta hafi ekki farið í gegn, og það má þakka Afríkulöndum fyrir það sem höfðu bundist samtökum gegn WHO, en þau samtök segja WHO eiga þátt í fjölda dauðsfalla þar með hinum ýmsu bóluefnum í gegnum áratugina“
Þá hafi gögn sem óskað hafði verið 75 ára leyndar yfir af hálfu lyfjarisanna verið að hluta til birt.
„og það sem við sjáum af þeim gögnum sem þegar er búið að birta sjáum við að þarna er um að ræða stórfelld svik, það eru rannsóknir þarna sem aldrei hafa verið gerðar og ég ætla að nefna til dæmis rannsókn sem var gerð til þess að réttlæta að það væri í lagi að bólusetja þungaðar konur var gerð á 44 rottum í Frakklandi, það var sem sé rottutilraun sem var notuð til grundvallar sem var ófullnægjandi og það er fjöldinn allur af rannsóknum sem er framkvæmdur með sambærilegum hætti“
Aðspurður um hvort bólusetningunum sé ætlað að fækka fólki í heiminum segir Guðmundur
„það er alveg sama hvort maður horfir á þetta sem óviljaverk eða viljaverk þá er alveg óhætt að segja að þetta fækkar mannfólki, bæði deyr fólk af bólusetningnum og verður ófrjótt, þetta hefur því ótvíræð áhrif á fólksfækkun, mikilvægustu gögnin sem hafa komið fram í ýmsum löndum eru umframdauðsföllin, meira segja leikmenn hér sem fóru í gegnum gögnin hér á landi á síðasta ári sáu þar 26% aukningu á umframdauðsföllum hér á landi“
Bendir Guðmundur á að þegar Bandaríkin stóðu í tíu ára stríði við Víetnam þá hafi umframdauðsföll ungra karlmannaverið um 5%, tölurnar nú séu því sláandi sé horft til sama hóps því þar er aukning umframdauðsfalla 40-50 %.
Í þættinum ræddu Arnþrúður og Guðmundur Karl um fyrirhuguð ný sóttvarnarlög sem lesa má nánar um með því að smella hér. En í frumvarpsdrögum er gert meðal annars ráð fyrir að sóttvarnalæknir fái mjög víðtækar valdheimldir til vinnslu persónuupplýsinga og valdbeitingu gagnvart fólki sem grunur leikur á að beri smitsjúkdóm.
Hlusta má á þáttinn í spilaranum hér að neðan
