Gríðarlega hár húsnæðiskostnaður sem er hluti af neysluvísitölunni er það sem knýr um helming þeirrar verðbólgu sem nú hefur myndast. Þetta var meðal þess sem fram kom í máli Vilhjálms Birgissonar formanns Verkalýðsfélags Akraness í síðdegisútvarpinu í dag en hann var viðmælandi Péturs Gunnlaugssonar.
Vilhjálmur segir mjög mikilvægt að almenningur átti sig á þessari staðreynd. Hann segir að þær útskýringar sérfræðinga um að ástæðan sé sú að vextir hafi lækkað of hratt og húsnæðisverð hækkað í kjölfarið vera rakalaust bull, málið sé alfarið á ábyrgð stjórnvalda og sveitarfélaga.
„við getum bara bent á þessa aðila og sagt að þeir beri ábyrgð á verðbólgunni vegna þess að þeir hafa ekki uppfyllt þá lágmarksskyldu sína að vera með nægt lóðaframboð, þannig að þessi framboðsskortur á fasteignum gerir það að verkum að fasteignaverð hér hefur hækkað eins og enginn sé morgundagurinn.“ segir Vilhjálmur.
Hlusta má á þáttinn í spilaranum hér að neðan