Hvíta húsið með flekkaðar hendur vegna eyðingu skilaboða sem gagnrýna Covid-19 bóluefni

Eins og sjá má á skilaboðum Jen Psaki blaðafulltrúa Hvíta hússins hér að neðan, þá er það ekkert leyndarmál, að ríkisstjórn Bidens vinnur afar þétt með netrisunum við að spora upp og ritskoða efni um bóluefni t.d. hópa fólks með aukaverkanir, frásagnir af látnum fjölskyldumeðlimum og ættingjum o.s.frv. eins og sjá má á myndbandi neðst á síðunni. Það nýjasta í baráttu Hvíta hússins gegn málfrelsinu er, að hópar sem tengjast ríkisstjórn Biden (m.a. Þjóðarráð demókrata) ætla að vinna beint með farsímafyrirtækjum við að hlera öll sms einkaskilaboð á farsímum og láta „staðreyndakanna“ innihaldið og eyða þeim, ef þau innihalda „rangar upplýsingar um bóluefni.“

Þetta kemur fram í grein í Politico, þar sem skýrt er hvernig Hvíta húsið er að búa sig undir að lýsa „íhaldsömum andstæðingum Covid-19 bólusetningarherferðanna sem hættulegum og öfgakenndum.“

Eftir að íhaldsmenn andmæltu áætlun Biden-stjórnarinnar um að fara „hús úr húsi“ til að fá fleiri til að bólusetja sig, þá ákvað ríkisstjórnin að efla upplýsingastríðið gegn efasemdarmönnum bóluefnanna. Segir í greininni að „Hópar bandamanna Biden, þar á meðal Þjóðarráð demókrata, hyggjast einnig taka þátt í staðreyndakönnunum af meiri krafti og vinna með símafyrirtækjum til að eyða rangfærslum um bólusetningar, sem sendar eru á samfélagsmiðlum og með sms-skilaboðum.“

Horfur á því, að Þjóðarráð demómkrata og aðrir hópar sem tengjast stjórnvöldum hafi aðgang að einkaskilaboðum Bandaríkjamanna, er hrollvekjandi framtíðarsýn ríkiseftirlits. Að njósna um og „staðreyndakanna” einkasamræður fólks er fullkomin heilabilun.

Fyrri „staðreyndakannanir“ hafa ekki reynst svo vel, alla vega ekki varðandi kenninguna um veirulekann á rannsóknarstofu í Wuhan. Þar voru „staðreyndakannanir” notaðar til að þefa uppi hina „svívirðilegu samsæriskenningu“ í upphafi heimsfaraldursins. Núna hefur orðið þversnúningur á „staðreyndum” gærdagsins og allt annað gildir í dag. Gildir þetta ekki síst um sjálfan Bandaríkjaforseta Joe Biden og Kamala Harris varaforseta sem átt hafa fræga viðsnúninga varðandi bóluefnin og bólusetningar eins og sjá má á viðbrögðum þeirra áður og eftir að þau komust í ríkisstjórn. Til dæmis sagðist Kamala Harris aldrei láta bólusetja sig með bóluefni sem Donald Trump mælir með (sjá hér að neðan).

Smellið á myndina til að horfa á myndbandið

Athugasemdir

athugasemdir

Deila