Inga Sæland formaður Flokks fólksins segir að þó Covid bóluefnin virðist draga úr alvarleika veikinda þeirra sem greinast með Covid sé það staðreynd að um tilraunalyf sé að ræða og að almenningur séu tilraunadýrin. Þetta var meðal þess sem fram kom í máli Ingu en hún var viðmælandi Arnþrúðar Karlsdóttur.
Inga segir að þegar hún hafi horft á fund Velferðarnefndar Alþingis þar sem bólusetningar barna voru til umfjöllunar hafi henni orðið verulega brugðið þegar hulunni var svipt af því að einu rannsóknirnar sem gerðar hefðu verið á bóluefnunum væru gerðar af lyfjaframleiðendunum sjálfum og að tilraununum ljúki ekki fyrr en árið 2026.
Þá rifjaði Inga upp hversu mikil leynd hvílir yfir samningunum við lyfjarisana sem einungis útvaldir og örfáir hafa séð en Inga var ein þeirra sem fengið hefur að sjá samninginn að ströngum skilyrðum uppfylltum.
„við fengum að sjá þetta í mýflugumynd í leyniklefa, þetta var ekki þýtt á íslensku, við máttum ekki taka myndir af þessu eða ljósrita“ segir Inga og bendir á að samningurinn er á annað hundrað blaðsíður sem ekki sé auðvelt að renna í gegnum á stuttum tíma“
Afar illa við að börn séu sprautuð með órannsökuðum lyfjum
Hvað bólusetningar barna 5-11 ár segir Inga að spyrja verði mjög gagnrýnna spurninga eins og þá hvort verið sé að nota börn sem tilraunadýr og þau sprautuð í þeim tilgangi að koma í veg fyrir að þau smiti hina fullorðnu.
„Er það virkilega þannig að við séum að taka þessa áhættu með börnin með nánast engum rannsóknum sem liggi að baki bóluefnunum“ segir Inga“.
Inga segir að ef hún réði hvernig þessum málum væri háttað myndi ekkert barn verða sprautað með einni einustu sprautu af tilraunalyfjunum.
Hlusta má á þáttinn í spilaranum hér að neðan
