Persónuvernd hefur komist að þeirri niðurstöðu að Íslensk erfðagreining og Landspítalinn hafi brotið gagnvart lögum um persónuvernd þegar unnið var að viðbótarrannsókn vísindarannsóknar Faraldsfræði SARS-CoV-2-veirunnar og áhrif erfða og undirliggjandi sjúkdóma á COVID-19-sjúkdóminn sem hún veldur.
Málið snýr að blóðsýnum sem tekin voru á fjögurra daga tímabili úr fólki sem hafði legið inni á spítala eða þurft að leita þangað vegna Covid áður en upplýst samþykki fólksins fyrir þátttöku í viðbótarrannsókninni hafi legið fyrir.
Málsaðilar báru fyrir sig að um hafi verið að ræða viðbragð af þeirra hálfu á hættutímum vegna Covid faraldursins. Því hinsvegar hafnaði Persónuvernd og benti á að þó svo ástand á þeim tíma hefði verið metið hættulegt á þeim tíma hafi málsaðilum samt sem áður borið að afla upplýsts samþykkis fyrir þátttöku fólks í viðbótarrannsókninni.
Það var hins vegar mat Persónuverndar í niðurstöðunni að til hliðsjónar við ákvörðun viðurlaga mætti hafa til hliðsjónar mat á hættuástandi í samfélaginu á þeim tíma sem rannsóknin fór fram og því var ákveðið að falla frá því að leggja á sektir í málinu.
