Þúsundir Ítala þyrptust út á götur Turinborgar í norður Ítalíu fimmtudagskvöld til að mótmæla takmörkunum yfirvalda á frelsi óbólusettra með „grænu pössunum.“ Mario Draghi forsætisráðherra Ítalíu sagði á blaðamannafundi á fimmtudag, að landið þyrfti að bregðast við og bæla niður aðra bylgju COVID-19 samtímis sem Delta-afbrigðið breiðist út um alla Evrópu.
Græni passinn, sem er stafrænt vottorð með sönnun fyrir ónæmisaðgerðum/bólusetningum, verður nauðsynlegur fyrir alla eldri en 12 ára til að komast inn á íþróttavelli, söfn, leikhús, kvikmyndahús, sýningarstöðvar, sundlaugar og líkamsræktarstöðvar. Passinn er framlenging á stafrænu Covid-vottorði ESB og einnig þarf að framvísa passanum til að komast inn á veitingastaði.
Uppfærða ítalska útgáfan af bólusetningabréfinu tekur gildi þann 5. ágúst og hefur vakið mikla reiði meðal Ítala. Tilkynning yfirvalda um frelsisskerðinguna kveikti mikil mótmæli í Tórínó.
„Um leið og ítalska ríkisstjórnin kynnti „heilsuvegabréfið“ fór fólk út á göturnar til að mótmæla. Myndirnar hér að neðan eru frá Tórínó í augnablikinu. Tilfinningin á götunum er reiði yfir ákvörðun stjórnvalda“ segir Twitter notandi á tístinu hér að neðan.
Ítalir eru eins og Frakkar öskuillir yfir viðbótar frelsishöftum yfirvalda.
Víðast hvar hefur afléttingu yfirvalda á höftum vegna Covid verið fagnað. En nýja Delta-afbrigðið hefur verið stjórnmálamönnum ákjósanleg afsökun til að koma á enn strangari eftirliti með grænu pössunum.
Fyrirhuguð eru mótmæli gegn frelsisskerðingunni og aðskilnaðarstefnu yfirvalda á um 50 stöðum í Ítalíu á morgun laugardag frá Róm til Aosta og frá Ragusa til Trieste.
Sjá nánar hér
