Það verður ekki orðum að því skorið að sitjandi Bandaríkjaforseti var hnarreistur enda með málstað fólksins og málefnin á hendi sér á meðan mótframbjóðandinn Joe Biden hafði ekki við að hneykslast á yfirlýsingum um fjárglæpi, ljúga blákalt framan í myndavélarnar og reyna með klækjum að afvegaleiða umræðurnar t.d. með því að segja að Trump ætti frekar að tala um fjölskyldur almennings en fjölskyldu Bidens. „Fartalvan frá helvíti“ kallaði Trump tölvuna með uppljóstrunum um herfilegustu glæpi allt frá sölu á aðgangi að æðsta valdi Bandaríkjanna, þáverandi varaforseta Joe Biden og forseta Obama, yfir í eiturlyfjaglæpi og að því er margir telja barnaníð.
Beinar lygar Bidens í beinni
Í málefni „grænnar orku“ neitaði Biden að hafa nokkru sinni sagt að hann hafi verið á móti s.k. „fracking“ aðferð til að vinna gas úr jarðlögum. Trump sagði að ef Joe Biden yrði forseti myndi hann „kála olíuiðnaði Bandaríkjanna og væntanlegri gasframleiðslu með fracking.“ Joe Biden brást hinn reiðasti við og sagði „Ég hef aldrei neitað þessarri aðferð, náðu í myndband sem sýnir að ég hafi sagt það og settu út á heimasíðuna þína.“ „Já, það mun ég gera“ sagði Trump sallarólegur og var snöggur til í dag samanber tístið hér að neðan, þar sem klippur úr mörgum myndböndum sýna Joe Biden neita að nota “fracking.“
Trump minnti Biden einnig á fyrri ummæli um „að blökkumenn væru rándýr götunnar“ sem Biden hristi hausinn yfir. Einföld netleit nær fljótt í myndband af ræðu hans frá 1993 þar sem hann lét orðin falla í þingræðu. (Minnir á annað myndband annars forsetaframbjóðanda á öðrum stað, sem afneitaði orðum um „fávísan lýðinn.)“
Slökkt á míkrófónum
Fyrirkomulagið með þöggun míkrófóna fyrstu tvær mínúturnar í upphafi hvers kafla tryggði óáreitta ræðu viðkomanda og þótt slökkt hafi verið á sumum orðum þegar hitnaði í kolunum í sambandi við fjárgreiðslur Kínverja, Rússa og Úkraínu til Biden feðganna, þá ber flestum saman um að umræðurnar hafi verið meira málefnalegar og meira hafi komist til skila til hlustenda en í fyrri kappræðuþætti. Þetta var síðasti kappræðufundir forsetaframbjóðandanna og þarf Joe Biden að svara ansi mörgum og nærgöngulum spurningum um það sem lekið hefur frá tölvu sonar hans um vægast sagt vafasöm viðskipti feðganna við kommúnistaflokk Kína og stórríka Kínverja ásamt viðskiptum Hunter Biden við úkraínska orkufyrirtækið og einnig fjárgreiðslur fv. konu borgarstjórans í Mosku.
Sagði Bandaríkjaforseta bera ábyrgð á dauða 200 þúsund Bandaríkjamanna vegna kórónuveirunnar
Biden virðist ekki vera í miklu sambandi við raunveruleikann því Trump þurfti að benda honum á að hvorki hann né Biden bæru ábyrgð á veiru sem kæmi alla leiðina frá Kína, þannig að þeir sem dáið hafa úr veirunni geta varla skrifast á reikning neins annars en sjálfrar veirunnar og þeirra sem slepptu henni lausri út um allan heim. „Við höfum lært að lifa með veirunni“ sagði Trump sem umsvifalaust fékk mótsvar frá Biden: „Við höfum lært að deyja með veirunni.“
Peningamál Trumps undir stækkunarglerinu
Trump lýsti nornaveiðum á hendur sér og svaraði skilmerkilega öllum ásökunum Biden um skattasvindl og benti á að það færi að styttast í að skattaskýrslur hans yrðu opinberar. Hann sagði einnig að komið hefði í ljós við endurskoðun að hann hefði ofgreitt mikið fé í skatta sem hann fengi endurgreitt. Síðan snéri Trump sér að Biden og benti á að Biden fjölskyldan ætti mörg hús sem einungis væri hægt að skýra með öllum milljónum frá spilltum Kínverjum, Rússum og úkraínska orkufyrirtækinu. Trump hafnaði með öllu grænni orkustefnu Demókrata og sagði þá vilja helst byggja gluggalaus hús eða þá með afar litlum gluggum. Forsetinn benti á að með núvarandi stefnu í orkumálum væru Bandaríkin óháð öðrum og að vindmyllur væru dýr og óheppileg aðferð m.a. vegna slátrun á nærliggjandi fuglalífi.
Voru umræðurnar fjörugar og er það mat fréttaritara að Biden hafi skotið sjálfan sig svo mörgum sinnum í fótinn að hann muni ekki ná fram í forsetastólinn á kjördag 3. nóvember. Kappræðuþáttinn má sjá hér fyrir neðan.
