Könnun USA TODAY/Suffolk háskólans, sem birt var í síðustu viku, sýnir að Kamala Harris er orðin óvinsælasti varaforseti Bandaríkjanna í sögunni. Er Harris jafnvel óvinsælli en yfirhershöfðinginn Dick Cheney á meðan Íraksstríðið stóð sem hæst.
Skoðanakönnuninni sýnir, að einungis 27,8% telja Harris gera gott starf en 51,2% telja hana vinna störf sín illa.
Business Insider bendir á, að sá samanburður, sem kemst næst útkomu núverandi varafoseta „er fyrrverandi varaforseti Dick Cheney, óvinsælasti varaforseti Bandaríkjanna í sögu skoðanakannana.“
„Hann náði 30% botni í mælingarkönnun Gallup og það var í lok seinna kjörtímabils George W. Bush fv. forseta árið 2007“ segir skýrslan.
Þetta er heilmikið afrek fyrir Harris. Þó að fylgi Biden séu dapurleg 38 % í sömu könnun, þá tekst varaforsetanum að halda sér heilum tíu prósentum undir.
Óvinsælli en Dick Cheney sem sló öll óvinsældarmet í Íraksstríðinu
Þrátt fyrir að varaforseti Dick Cheney gerði enga tilboðssamninga við olíufélögin í Halliburton og sendi Bandaríkjamenn til að deyja í tilgangslausu stríði og bókstaflega skaut mann í andlitið með haglabyssu, þá var hann samt mun vinsælli en Kamala Harris.
Kannski var Cheney vinsælli en Harris, því þegar hún kemur úr felum og birtist fyrir augum almennings, þá er næstum eins og hún þjáist af ADHD með sífelldu flissi og óstjórnanlegum hlátursköstum jafnvel í miðri ræðu. Almenningur hefur fengið þá tilfinningu, að hún komi ekki fram til dyranna eins og hún er klædd. Þegar Cheney stóð fyrir aftan Bush leit það alla vega út eins og að hann vildi vera þar. En Harris er hins vegar á stöðugu iði fyrir aftan Biden eins og hún bíði bara eftir því að komast burt.
Samstarfsmenn segja Harris „eyðileggja allt“ og hún eigi ekki að fara í framboð fyrir Demókrata 2024
Politico greindi nýlega frá: „Aðstoðarmenn Kamala Harris varaforseta eru í paník…og segja að hún „eyðileggi allt“ og „ætti kannski ekki að vera með“ í forsetakosningunum 2024 vegna þess að hún „getur hvort eð er ekki unnið yfir neinum frá Repúblikanaflokknum.”
Kúðursleg meðferð Harris á landamæramálum eftir að hafa verið gerð að „landamærakeisara“ og ekki einu sinni nennt að fara til að skoða ástandið í marga mánuði, hefur einnig skapað sögulega andúð á framkomu hennar. En þrátt fyrir hina ótrúlega lélegu frammistöðu Harris og mestu óvinsældir í sögu varaforseta Bandaríkjanna, heldur Joe Biden áfram að gæla við þá hugsun, að hún verði fyrr eða síðar forseti Bandaríkjanna.
