Robert Hoogland var handtekinn í vikunni eftir brot á dómsúrskurði sem bannaði honum að tala opinberlega um kynskiptingu 14 ára sonar síns. Hoogland er í lögbanni dómstóls í Bresku Kólumbíu sem bannar honum að kalla dóttur sína kvenkyns og segir dómstóllinn dóminn vera til verndar barninu í kynskiptaferli þess. Hoogland var handtekinn s.l. þriðjudag fyrir að brjóta lögbannið, þar sem hann kallar dóttir sína kvenkyns. Hann segir dóttur sína vera undir áhrifum móðurinnar, sem er sálfræðingur og hefur stutt dóttur þeirra til að skipta um kyn frá því hún var 11 ára gömul. Móðir og faðir eru skilin og barnið býr hjá móður sinni.
Hoogland setur sig gegn lyfjameðferð fyrir kynleiðréttingu, sem hann hefur mörgum sinnum rætt opinberlega, því hann óttast að barnið muni hljóta óafturkræfanlegan skaða. Á móti sér hefur hann heilbrigðiskerfi Kanada, réttarfarskerfið og móður dótturinnar. Hoogland gaf sig sjálfur fram við dómstólinn og var umsvifalaust handtekinn. Honum er núna bannað að ræða við fjölmiðla um dóttir sína, bannað að reyna að fá dóttir sína af áætlunum sínum að skipta um kyn með lyfjameðferð og hann verður að kalla hana því kyni sem hún velur sjálf.
85% táninga, sem telja sig vera af röngu kyni, skipta um skoðun eftir gelgjuskeiðið
Hoogland segir dótturina eiga langa sögu geðrænna vandamála sem meðal annars leiddu til sjálfsmorðstilræðis. Eftir að hún fékk að læra um kynvitund í skólanum, þá var farið að kalla hana öðru nafni í sjöunda bekk án þess að foreldrunum væri sagt frá því. Í staðinn fyrir að láta dótturina í tilraunameðhöndlum sem enginn gat sagt fyrir, hvaða verkanir hefðu, þá ákvað faðirinn að leita aðstoðar við geðrænum vandamálum dótturinnar. Hoogland vísar meðal annars til þess að um 85% táninga, sem telja sig vera af röngu kyni, skifta um skoðun eftir gelgjuskeiðið.
„Synjun [föðurins] um að virða ákvarðanir [drengsins] varðandi kynvitund hans er erfiður. Drengurinn vill greinilega og þarfnast samþykkis og stuðnings frá föður sínum“ skrifuðu Robert Bauman yfirdómari og Barbara Fisher um dóm sinn í janúar samkvæmt Global News.
Hvaða 13 ára unglingur er að hugsa um að eignast fjölskyldu og börn?
Rob Hoogland hóf söfnunarátak á netinu, þar sem hann auglýsti að hann myndi gefa sig fram hjá dómstólnum 16. mars en handtökuskipun á hann var gefin út 4. mars. Tókst honum á skömmum tíma að safna yfir 22.000 kanadadollarum til að standa straum af réttarfarskostnaði. Hoogland segir að „Dagana 12. – 16. apríl verða fimm daga sakamálaréttarhöld í máli mínu. Ég get fengið allt að fimm ára fangelsi fyrir að segja sannleikann um misnotkun barna á vegum ríkisins.“
Nokkrir hugmyndafræðingar lofsyngja handtöku Hooglands og fullyrða, að kyn sé hvorki líffræðilegt né félagslegt. Hoogland segir þá hafa búið til blekkingu og neyða foreldra til að lifa í þessari blekkingu. „Hvað gerist þegar kúlan springur og blekkingunni lýkur? … Hún getur aldrei aftur orðið stúlka í þeim heilbrigða líkama sem hún átti að hafa … Þessi börn skilja þetta ekki. Hvers konar 13 ára unglingur er að hugsa um að eignast fjölskyldu og börn? “
Sjá nánar hér
