Kari Lake, frambjóðandi til ríkisstjóra Arizona, bókstaflega rústar spilltum falsfréttamiðlum með sleggjunni

Kari Lake, frambjóðandi repúblikana til ríkisstjóra í Arizona, er hress og dugmikil kona, sem hefur verið blaðamaður og fréttamaður í 27 ár. Hún hefur gert kosningamynd, þar sem hún ræðst með stóru sleggjunni á spilltan heim fréttamiðla sem spúa daglega hræðsluáróðri yfir mannskapinn um að heimurinn sé að farast á loftslagsdómsdegi handan við hornið eða þá að ýmsar nýjar og gamlar veirur séu svo stórhættulegar að fólk verði að dúsa í langan tíma í heimafangelsi.

Kari Lake segir fjölmiðlunum stríð á hendur, því þeir verði að taka ábyrgð á afleiðingum gjörða sinna. Hún segir blaðamennskuna dauða í heimi fjölmiðlarisa, þar sem allir éti sömu fréttina og kemur frá herbúðum glóbalistanna.

Kari Lake hefur á réttu að standa. Blaðamenn eru samsekir kommúnískum árásum glóbalistanna t.d. á bændur í Hollandi, Kanada og Írlandi, með því að segja engar fréttir af uppreisn bændanna og baráttu þeirra. Frétta- og blaðamenn, sem fórna starfsheiðrinum fyrir kaupið sitt, jarða beinlínis málfrelsið.

Hún segir einnig, að þótt aðalspillingardýið sé í Washington, þá ná þræðir spillingarinnar víða í Bandaríkjunum og ekki síst til fjölmiðla eins og hún starfaði sjálf hjá og varð vitni að í Arizona. Hún ákvað því að segja upp starfinu og gerast stjórnmálakona og lofar því að hreinsa dýið í ríkinu verði hún kjörin fylkisstjóri.

Það er bara að óska Kari til hamingju með framtakið og vonandi verður hún kosin og slær burtu spillinguna með krafti stórsleggjunnar eins og í auglýsingamyndinni, þegar hún molar þunnt gler falsfréttanna á skjá gamalla sjónvarpstækja.

Deila