Karlar jaðarsettir á Íslandi – Þurfa að standa saman og stofna karlaflokk

Guðbjörn Guðbjörnsson stjórnsýslufræðingur og óperusöngvari

Karlar á Íslandi eru jaðarsettir og haldið er aftur af þeim allt frá unga aldri sem veldur því að síðar meir verði þeir utanveltu og enda flestir í láglaunastörfum. Þetta var meðal þess sem fram kom í máli Guðbjörns Guðbjörnssonar stjórnsýslufræðings og óperusöngvara í þættinum Fréttir vikunnar í gær en Guðbjörn var gestur Arnþrúðar Karlsdóttur og Péturs Gunnlaugssonar.

Guðbjörn bendir á að ákveðin þróun sé að eiga sér stað í samfélaginu þar sem karlar séu hreinlega jaðarsettir allt frá því þeir eru börn. Drengir eigi erfitt uppdráttar innan skólakerfisins vegna þess að það sé ekki uppbyggt með þarfir þeirra í huga, þeir læri því til dæmis ekki að lesa, heldur aðhyllast heldur tölvuleiki og ástunda klámáhorf.

Þá sé svipað ástatt með ástand ungra karlmanna í dag sem flestir fari ekki í iðnnám eða háskólanám, klára varla stúdentspróf og enda í láglaunastörfum:

þeir eru þá hangandi í einhverjum tölvuleikjum, vinna sem einhverjir pizzasendlar, þetta er því miður staðan, þeir sem klára eitthvað nám fá ekki stöður við sitt hæfi vegna þess eins að þeir séu ungir karlmenn, við sjáum bara ríkisbankakerfið þar eru ungar konur búnar að yfirtaka þetta allt saman, þar eru ungar konur komnar í allar stöður, ég er búin að skoða þetta allt saman, þetta er bara staðreynd og þetta er að gerast mjög hratt” segir Guðbjörn.

Hann segir að það sem karlar geti gert til þess að bæta úr þessari þróun sé að snúa úr vörn í sókn og stofna karlaflokk

” ég sé það fyrir mér að svoleiðis framboð gæti vel fengið 10 til 15% atkvæða, hinn þögli meirihluti er svo stór þarna úti að það myndu fullt af körlum kjósa svona framboð”.

Hann segir að þannig gætu þeir sem eigi sér erfitt uppdráttar byggt undir framtíðina og segir Guðbjörn það nauðsynlegt, ekki síst í ljósi þess að hlutfall karla sem fari í háskólanám fari sífellt lækkandi:

“Við þurfum að hafa að minnsta kosti 50% hlutfall karla í háskólunum” segir Guðbjörn.

Hlusta má á Fréttir vikunnar í spilaranum hér að neðan

Athugasemdir

athugasemdir

Deila