Það hefur vakið athygli að Katrín Jakobsdóttir forsætisráðherra fékk Pál Hreinsson forseta EFTA dómstólsins til þess að semja frumtillögur að breytingum á sóttvarnarlögum í lok ágúst mánaðar 2020, án vitundar alþingismanna skv. heimildum fréttastofu Útvarps Sögu.
Þetta kemur fram í álitsgerð um valdheimildir sóttvarnarlæknis og heilbrigðisráðherra til opinberra sóttvarnaráðstafana dags. 20. september 2020.
Katrín sendi verkbeiðni til EFTA dómarans þann 26. ágúst 2020 og er svohljóðandi:
“ Forsætisráðherra í samráði við heilbrigðisráðherra og ríkisstjórn óskar hér með eftir því að þér takið saman álitsgerð um valdheimildir sóttvarnalæknis og heilbrigðisráðherra til opinberra sóttvarnaráðstafana samkvæmt sóttvarnarlögum með hliðsjón af skráðum og óskráðum meginreglum stjórnsýsluréttar og mannréttindaákvæðum í stjórnarskrá og alþjóðasamningum. Jafnframt verði tekið mið af samspili við valdheimildir lögreglu og annarra yfirvalda til að framfylgja slíkum ráðstöfunum. Er óskað eftir því að þér gerið frumtillögur að breytingum á lögum eða reglum eftir því sem þér teljið tilefni til“
Páll Hreinsson forseti EFTA dómstólsins brást þegar í stað við verkbeiðni forsætisráðherra og mætti á fund hjá embætti landlæknis þann 31.ágúst 2020 eða 5 dögum eftir að beiðnin kom fram og skilaði álitsgerð 20.sept.2020.Á fundinum með EFTA dómaranum voru eftirtaldir aðilar:
Þórólfur Guðnason sóttvarnalæknir, Kamilla Sigríður Jósefsdóttir læknir og staðgengill sóttvarnalæknis, Páll Þórhallsson skrifstofustjóri í forsætisráðuneytinu og formaður samhæfingarteymis vegna skimunar á landamærum og Sigurður Kári Árnason yfirlögfræðingur hjá heilbrigðisráðuneytinu. Frá Covid-göngudeild LSH voru Runólfur Pálsson yfirlæknir, Anna Hafberg hjúkrunarfræðingur og Sólveig Sverrisdóttir deildarstjóri og Jóhann B. Skúlason yfirmaður smitrakningateymis almannavarnadeildar ríkislögreglustjóra.
Það sem vekur líka athygli er tímasetningin á þessari verkbeiðni til starfandi forseta EFTA dómstólsins, er sú krafa um breytingar á sóttvarnarlögum að kröfu lyfjarisana, Pfizer, Biontech, Moderna, Astrazeneca og Johnson & Johnson sem gerðu bóluefnasamning við Ísland í gegnum Svíþjóð skv. heimildum Útvarps Sögu.
Alþingi samþykkti verulegar breytingar á sóttvarnarlögum 10. febrúar 2021 án þess að hafa séð bóluefna samningana og alþingismenn höfðu því ekki forsendur til að vita hvað raunverulega er verið að gera með þessum breytingum og sjá ástæðu þess að forseti EFTA dómstólsins var fenginn til að semja reglurnar.
Þessir samningar við lyfjarisana hafa ekki verið birtir alþingismönnum en Útvarp Saga hefur heimildir um að hér er um lyfjatilraun að ræða en ekki bólusetningu í hefðbundnum skilningi þess orðs. Lyfjatilrauninni verður ekki lokið fyrr en árin 2023 og 2024.
Hér má sjá hlekk á verkbeiðni forsætisráðherra til EFTA dómarans og álit Páls Hreinssonar dómara
