Það kæmi ekki til greina að Sjálfstæðisflokkurinn stæði fyrir því að sækja um aðild fyrir Ísland að Evrópusambandinu. Þetta var meðal þess sem fram kom í máli Guðlaugs Þórs Þórðarssonar utanríkisráðherra í síðdegisútvarpinu í dag en hann var gestur Arnþrúðar Karlsdóttur.
Guðlaugur segist harður á því að það kæmi alls ekki til greina að hans hálfu að sótt yrði um aðild
“ það er algjörlega útilokað og ég sé ekkert í sjónmáli sem bendir til þess að hagsmunum Íslands sé vel borgið þar innan dyra„.
Í þættinum var Guðlaugur einnig spurður um orkupakka fjögur og hvort umræður um hann væru að fara fram í sameiginlegu nefndinni en Guðlaugur segir svo ekki vera
“ það sem er til umræðu þar er aðallega það sem við höfum þegar innleitt„.
Hlusta má á viðtalið í spilaranum hér að neðan