Hælisleitendakerfið virkjar hægt og illa vegna þess að það hafa borist svo margar hælisumsóknir sem telast tilhæfulausar. Þetta var meðal þess sem fram kom í máli Birgis Þórarinssonar þingmanns Miðflokksins í síðdegisútvarpinu í dag en hann var gestur Ernu Ýrar Öldudóttur.
Birgir segir að til þess að bæta gráu ofan á svart verði kostnaður vegna þeirrar biðstöðu sem slík mál fara í afar mikill og hægt sé að gera ýmislegt fyrir það fjármagn
“ Ég hef nú unnið við flóttamannaaðstoð í Palstínu svo það vill svo til að ég þekki vel til málaflokksins, en fyrir þann kostnað sem hlýst vegna langdvalar hælisleitenda væri hægt að hjálpa 12 manns í flóttamannabúðum„,segir Birgir.
Hann segir kerfið óskilvirkt úr sér gengið og ganga þurfi í það að laga kerfið
“ það á enginn að þurfa að dvelja hér í eitt til tvö ár til þess eins að komast að þeirri niðurstöðu að hann eigi ekki rétt að vera hér í landinu, við verðum að endurskoða þetta kerfi, þetta er rosalega dýrt og óskilvirkt, það er vel hægt að koma í veg fyrir tilhæfulausar umsóknir og spara einnig heilmikið fé, auk þess að stytta málsmeðferðartímann „,segir Birgir.
Hlusta má á viðtalið í spilaranum hér að neðan.