Kínverski kommúnistaflokkurinn notar Ísland í alþjóða áróðursstríðinu gegn Bandaríkjunum – 500 starfsmenn sagðir í sendiráði Kína en 70 í sendiráði Bandaríkjanna

Kínverska sendiráðið í Reykjavík er engin smásmíði og eftir afhjúpanir um njósnir og réttindaþjófnað Kínverja í Bandaríkjunum ættu Íslendingar að fara að öllu með gát

Í nýlegri útgáfu alþjóðamálgagns kommúnistaflokks Kína Global Times beita kínverskir kommúnistar Íslandi fyrir sér í áróðursstríðinu gegn Bandaríkjamönnum. Kínverskir kommúnistar vinna að því leynt og ljóst í samvinnu við eigendur margra alþjóðlegra stórfyrirtækja að koma í veg fyrir endurkjör Donald Trumps Bandaríkjaforseta í nóvember. Eru Bandaríkin hædd í grein um sendiherra Bandaríkjanna á Íslandi, þar sem sagt er að Jeffrey Ross Gunter sé „vænisjúkur” vegna ofshræðslu um árásir á sig í „friðsamasta landi veraldar”  og noti „uppskrúfað málfar.”

Á Gunter að hafa vakið mikla reiði meðal Íslendinga og Bandaríkjamanna með endurtísti Trumps um „ósýnilegu Kínaveiruna” og segja kommúnistar að þau orð séu „aldrei notuð af starfandi læknum né fjölmiðlum” enda af mörgum talið ”kynþáttahatur.” 

Vitnað er í Smára McCarthy þingmanns Pírata sem segir að „veirur tilheyri engri þjóð” og að hann hafi krafið bandaríska sendiherrann að hætta slíku tali. Bandaríski sendiherrann „er ekki fulltrúi bandarískrar alþýðu, misnotar stöðu sína og „móðgar Ísland” sem eómetanlegur bandamaður Bandaríkjanna.” Þá fullyrðir málgagn kommúnistaflokksins að „Bandaríkjamenn búsettir á Íslandi” vilji losna við sendiherrann.


Afskipti kínverska kommúnista af Norðurskautsráði talin hernaðarleg ógn við Vesturlönd

Þrátt fyrir að Kína sé staðsett 3,000 km frá norðurskauti þá skilgreinir kommúnistaflokkur landið sem „ríki nærri norðurskauti”og ætlar að ná frekari heimsyfirráðum gegnum Norðurskautsráðið. Ólafur Ragnar Grímsson fyrrverandi forseti Íslands hefur verið helsti handgengni sölumaður Kína í ráðinu sem veitti Kína stöðu áheyrnarfulltrúa en kommúnistar vilja núna verða fullgildur meðlimur ráðsins.

Íslenska ríkisstjórnin hefur í nafni „Silkibrautar norðuskauts” unnið ötullega með kínverska kommúnistaflokknum á Íslandi m.a. við að koma upp gervitunglamóttöku sem að sögn Pentagon „gerir Kínum kleift að nota nærveru borgaralegra rannsókna á Norðurskauti til að styrkja hernaðarlega nærveru m.a. með því að senda kafbáta á svæðið gegn kjarnorkuárásum.” Kommúnistaflokkur Kína getur notað slíkan búnað til hernaðarlegra njósna og eldflaugastjórnunar. 

Jóhanna Sigurðardóttir fv. forsætisráðherra og leiðtogi jafnaðarmanna ræðir við aðalritara kínverska kommúnistaflokksins Xi Jinping

Að sögn Daily Express lýsti Luke Coffey hjá Heritage Foundation hernaðarlegri ógn kínverskra kommúnista þegar í fyrra: „Kína vill gera a.m.k. eitt Norðurskautsríkið að viðskiptalandi. Ísland hefur fullan atkvæðisrétt í ráðinu, er meðlimur Nato og það sem hefur úrslitaþýðingu – er ein af fjórum eyjum svæðisins – Grænland er önnur – sem mynda varnarkeðju Norðurskauts.”

Utanríkisráðherra Íslands Guðlaugur Þór Þórðarson lýsti því yfir í heimsókn Mike Pence varaforseta til Íslands 2019 að varaforsetinn væri „ónákvæmur” að fullyrða að Ísland hætti við Silkibrautarverkefnið: „Íslendingar eru í miklum samskiptum við Kínverja og vilja efla viðskipti við landið.” Blaðið segir sendiráð Kína nú þegar með 500 starfsmenn sem bera má saman við 70 starfsmenn sendiráðs Bandaríkjanna:

 „Þetta undirstrikar hina miklu þýðingu sem Kína telur nærveru sína vera á Íslandi.”Nýlega sagði breski þingmaðurinn Bob Seely að „frjálsar þjóðir heims verða að fylkja sér saman og verja sinn eigin iðnað. Við eigum að velkomna viðskipti á sviðum sem ekki eru hernaðarlega mikilvæg en samtímis verja sjálfstæði okkar sem fullvalda ríki.”

Athugasemdir

athugasemdir

Deila