American Thinker – ameríski hugsuðurinn – skrifar á bloggi sínu um kínverska sjónvarpsauglýsingu sem hann telur, að NBA Körfuknattleikasamband Bandaríkjanna vilji ekki, að leikmenn NBA sjái. NBA hefur hoppað upp í rúm með kínverska kommúnistaflokknum, því þjóðin sem flokkurinn stjórnar er risastór markaður sem elskar körfubolta. NBA hefur selt sig svo rækilega til kommúnistanna, að liðsmenn sem studdu lýðræðismótmælendur í Hong Kong fengu ekki að leika með liðinu.
NBA elskar mótmæli Black Lives Matter í Bandaríkjunum, þrátt fyrir að ofbeldi sé beitt með eyðileggingu og jafnvel mannsdrápum. Langflestir (næstum 3/4) leikmanna NBA eru svartir en slíkt kynþáttafyrirkomulag gæti hjá ýmsum tekjuháum aðilum utan íþróttanna talist sönnun á kynþáttamismunun.
Bandaríski hugsuðurinn segist þora að „veðja um það, að stjórnendur NBA-deildarinnar vilji ekki, að leikmenn liðsins fái að sjá eftirfarandi kínverska sjónvarpsauglýsingu.“ Í auglýsingunni gefur kínversk kona blökkumanni þvottaefnatöflu, stingur honum í þvottavélina og þvær burtu húðlitinn – konunni til mikillar ánægju. Blökkumaðurinn kemur svo auðvitað út úr þvottavélinni sem Kínverji (ekki hvítur).
Hugsuðurinn segir: „Ég er ekki viss um hvernig hægt er að kenna „White Supremacy“ um þetta, en tel samt, að einhver muni reyna það.“
