Kínverskur sérfræðingur: „Dreifing veirunnar er „fjöldamorð”

Gordon Chang (t.v.) sérfræðingur í málefnum Kína ræddi við Joshua Philipp (t.h.), The Epoch Times, um lífefnavopn kínverskra kommúnista og framtíðarsýn með erfðabreyttum kynstofni Kínverja.

Gordon Chang höfundur bókarinnar „Komandi hrun Kína” (The Coming Collapse of China) ræddi áform Kommúnistaflokks Kína varðandi lífefnavopn, tilraunir á mannkyni og stöðu Bidens gagnvart Kína í þætti The Epoch Times „Á vegamótum.” Skýrslur hafa borist um að Alþýðuherinn hafi safnað upplýsingum um erfðavísa útlendinga sem gerir kleift að beina augum að sérstökum DNA strengjum byggðum á mismunandi kynþáttum. Gordon Chang segir að Kína safni DNA-keðjum útlendinga til þess að geta búið til sérstakar veirur til að nota sem vopn.

Safna DNA-keðjum útlendinga til að búa til sérstakar gerðir af drápsveirum

„Kína vill fá DNA-keðju útlendinga, því það færir þeim aukna þekkingu til að búa til veirur sem ráðast einungis á vissa kynþætti eða þjóðhópa. Því meiri upplýsingum sem þeir safna saman, þeim mun meiri þekkingu hafa þeir til að framkvæma þetta.”

„Kína bannar einnig flutning á DNA-keðjum Kínverja út úr landinu. Það bendir til þess að þeir hafa óhrein markmið í pokanum.”

Mörg lönd í heiminum vinna að lífefnavopnarannsóknum í varnarskyni, en Chang segir að Kína hafi meðvitað dreift veirunni til útlanda. Segir Chang það enn vera óþekkt, hvort veiran kom raunverulega frá dýri eða eftir slys á rannsóknarstofu. Aðgerðir Kommúnistaflokks Kína voru hins vegar mjög skýrar.

Létu veiruna dreifast til útlanda á skipulagðan hátt

„Kína tilkynnti fyrst að veiran smitaði á milli fólks þann 20. janúar. Ef Kína hefði ekkert sagt um smitun sjúkdómsins, þá hefði það verið mjög gróft ábyrgðarleysi. En við vitum, að Kína sagði ósatt um málið. Þeir reyndu að telja heiminum trú um að veiran smitaði ekki, þegar þeir vissu að hún gerði það.”

„Þeir þrýstu einnig á önnur lönd að setja engar ferðatakmarkanir og einangrun við komu fólks frá Kína á meðan þeir lokuðu sjálfir landi sínu…Það þýðir að Xi Jinping trúði því, að þetta væri öflugasta leiðin til að senda veiruna út frá Kína.”

Chang segir að einungis sé hægt að draga eina niðurstöðu af lygum Kína um smitunarhættu samfara lokun eigin lands á meðan alþjóðaflug var leyft til útlanda:

„Kína dreifði farsóttinni meðvitað til útlanda, sem þýðir að allir sem hafa dáið fyrir utan Kína hafa verið drepnir, það eru 2,4 milljónir einstaklingar. Þetta er fjöldamorð.”

Vilja skapa „kínversk ofurmenni”

Hugmyndir um ofurhermanninn er ekki ný og óhuggulegt að verið er að fást við erfðavísa mannkyns til að skapa „ofurmenni.”

Chang ræddi einnig tilraunir Kína á erfðavísi mannfólks eins og John Ratcliffe fyrrverandi forstjóri Þjóðaröryggisráðs Bandaríkjanna afhjúpaði m.a. í grein í Wall Street Journal, þar sem hann lýsti því, hvernig Kínverjar ætla að endurbæta erfðavísi mannsins og skapa „kínversk ofurmenni. Kínverskur vísindamaður sagði frá því 2018, að tvíburasystur hefðu fæðst heilbrigðar eftir endurbættan erfðavísi af kínverskum vísindamönnum. Hann sagði að þær hefðu verið endurbættar til að verða ónæmar fyrir HIV en aðrir sérfræðingar sögðu genum þeirra hafi verið breytt til að bæta gáfnafar.

„Þetta þýðir aðeins eitt: Þá skortir öll siðferðileg takmörk í framkvæmd slíkra hluta. Tilraunin með tvíburasysturnar vakti illan bifur í vísindasamfélaginu út um allan heim, vegna þess að slíkar tilraunir með erfðavísi mannkyns eru taldar ósiðferðilegar.”

Joe Biden skilur ekki illmennsku Kommúnistaflokks Kína

Þegar talið barst að nýkjörnum Bandaríkjaforseta Joe Biden, þá sagði Chang að skoðanir forsetans væru úreltar: „Forsetinn hefur nokkurs konar velmeinandi, þokukennda sýn á Kína.” Chang gagnrýnir Biden fyrir að samþykkja þjóðarmorð Kommúnistaflokks Kína á Úígúrum sem „menningarstaðal” og segir að slíkt eigi Bandaríkjaforseti ekki að láta hafa eftir sér. Chang vonast til þess að Biden muni skilja illmennsku kínversku stjórnarinnar:

„Þeir eru engir keppinautar innan núverandi kerfis alþjóða samfélagsins. Xi Jinping ætlar að skipta út kerfi alþjóða samfélagsins fyrir eigið kerfi.”

Sjá nánar hér

Athugasemdir

athugasemdir

Deila