Världen idag greinir frá því, að Masthuggskirkjan í Gautaborg sýni íkónmyndir Mats Hermannsson, þar sem m.a. má sjá Grétu Thunberg sem „Heilaga Grétu.“ Einnig eru myndir sýndar af Jesús sem fanga með rakað höfuð í fangabúnaði með bleikan þríhyrning eins og samkynhneigðir voru merktir með af nazistum í Helförinni. Á annarri mynd er Jesús með regnbogafánann sem merki á kirtli sínum.
„Það er ljóst, að einhverjir taka illa við sér að sjá mynd af Jesús með regnboganum á sér, samkynheigðum Jesús eins og ég kalla hann“ segir Mats Hermansson í viðtali við Gautaborgarpóstinn. „Mér finnst það gott á þá að taka illa við sér.“
Samkvæmt sóknarprestinum Marika Palmdahl hefur ein mynd úr myndaröð Elisabeth Ohlsson Wallin „Ecce Homo“ ekki fengið nein neikvæð viðbrögð á sýningunni.
Gréta Thunberg með stöðu dýrlings
Meðal myndanna er mynd af Grétu Thunberg sem Hermansson vill gefa stöðu dýrlings. „Ég vil hylla loftslagshetjuna okkar hana Grétu. Það er einnig framlag sem listamaður, guðfræðingur og prestur til opinberu umræðurnar að gera Grétu að dýrlingi“ sagði Mats Hermansson í maí í fyrra. „Gréta Thunberg sýnir að sköpunin er mikilvæg og að þörf er á verja gildi sköpunarinnar. Það þýðir að talað er um, að Guð lifir“ segir Mats Hermansson.
