Þjarmað að íbúum ESB með nýrri klósettkreppu
Í nýrri bylgju fjárhagslegra refsiaðgerða gegn Rússum banna búrókratarnir í Brussel íbúum ESB að kaupa rússneskan klósettpappír, sápu og svitalyktareyðir. Kemur bann þessa hættulega varnings frá Rússlandi samtímis og einn helsti og elsti klósettpappírsframleiðandi Þýskalands, Hakle fór á hausinn vegna öfgarafmagnsverðs ESB. Vonandi hefur hirðin í Brussel birgt sig upp með þessum dýrmæta varningi og getur haldið sér hreinni og vellyktandi í vetur á meðan nýjasta kreppa Evrópusambandsins, klósettkreppan þjakar íbúana ofan á allar aðrar kreppur sambandsins.
Á sama tíma og rússneskur klósettpappír er bannaður, þá varar þýskur iðnaður við því, að hömlulaust raforkuverð neyði m.a. klósettpappírsframleiðendur í gjaldþrot og að við blasi skortur á klósettpappír. Karen Jung, markaðsstjóri hjá Hakle segir:
„Verðið á rafmagni og gasi hefur hækkað svo hratt á skömmum tíma, að það er ómögulegt að velta því jafnhraðan yfir á viðskiptavinina.“
Með klósettrúllu að vopni í fremstu víglínu gegn Rússlandi
Í áttunda refsiaðgerðapakka ESB verða auk klósettpappírs, sápu og lyktalyktareyðis, einnig bannaður innflutningur á rússneskum rakbúnaði, tannþræði, farða og nokkrum stálvörum – auk þess að reynt verður að setja verðþak á rússneska olíu. Ursula von der Leyen valkyrja ESB segir borubrött með klósettrúllu í fremstu víglínu:
„Við samþykkjum ekki sýndaratkvæði og hvers kyns innlimun í Úkraínu og við erum staðráðin í að láta Kreml borga fyrir þessa frekari stigmögnun.“
Niðurstaðan verður að sjálfsögðu sú sama og með gasið: Rússar fá ofgnótt klósettpappírs á meðan harðlífi, niðurgangur og gamlir steinaldarsýklar koma til baka til Evrópusambandsins. Íbúum ESB er talin trú um að með skömmtun á klósettferðum innan sambandsins, þá munu Rússar tapa 7 milljörðum evra.