Guo Wengui, efnaður kínverskur viðskiptamaður og fyrrum meðlimur kommúnistaflokksins, sem flúið hefur til Bandaríkjanna sagði í sumar í viðtali Daily Mail, að Kommúnistaflokkur Kína greiði Vatíkaninu á Ítalíu 2 milljarða dollara á hverju ári og hafi gert svo í a.m.k. sex ár til þess að „Vatíkanið gagnrýni ekki stefnu Kína í trúarmálum. Þeir vilja að Vatíkanið haldi sér saman og fylgi stefnu kommúnistaflokksins í trúarmálum.“ Segir Guo Wengui að stórar fjárhæðir séu einnig greiddar til annarra landa t.d. Ítalíu og Austurríkis í sama skyni. „Kommúnistaflokkur Kína veit að hann er dauður ef sannleikurinn um kristna og kaþólska Kínverja spyrst út. Kommúnistaflokkurinn hefur það miklar áhyggjur af málinu að þeir borga 2 miljarða dollara til Vatíkansins, 1,5 milljarða dollara til Ástralíu og 100 milljón dollara til Ítalíu.“ segir Guo.
(Fyrir neðan má sjá nýtt viðtal Steve Bannon við Liz Yore sem segir að Vatíkanið sé í óheilögu sambandi við kínverska kommúnistaflokkinn og hafi í raun gert samning við sjálfan djöfulinn. Viðtalið byrjar eftir viðtalinu við lögfræðing Trump).
Kommúnistar böðlar trúarbragðahópa og annarra minnihlutahópa eins og Úígúra
Umræðurnar um meðferð kommúnista á minnihlutahópum í Kína hafa aukist og sífellt koma ný atriði fram sem varpa ljósi á ógeðfelld mannréttindabrot kommúnista og þjóðarmorð fremst á Uígúrum. Talið er að a.m.k. ein milljón Úígúra og annarra múslíma sé haldið föngum í vinnuþrælabúðum. Fyrrum fangar segja að múslímar séu neyddir til að borða svínakjöt og tala mandarísku í þrælabúðunum. Kína hefur alltaf neitað að til séu þrælkunarbúðir en hafa neyðst til að viðurkenna að „menntasetur voru opnuð til að skóla fólk frá öfgahyggju og til að læra mandarín og iðnaðarstörf.“
Bandaríkin ásamt 40 öðrum þjóðum gagnrýna Kína fyrir „Helför 21. aldarinnar“
Bandaríkin ásamt tæplega 40 öðrum þjóðum sendu frá sér harðorða yfirlýsingu í vikunni gegn mannréttindabrotum Kína í Xinjiang, Tíbet og annars staðar. Bretar, Frakkar og Þjóðverjar stóðu með Bandaríkjamönnum á meðan Kína, Rússar og ýmis lönd í Miðausturlöndum og Asíu sendu frá sér yfirlýsingu um að Kína ætti að fá að eiga sín mál í friði. Forystumaður Úígúra í Austur Turkistan hvetur Vesturlönd til aðgerða til að binda endi á „helför 21. aldar“ á svæðinu. Salih Hudayar forsætisráðherra útlagastjórnar Austur Turkistan sagði að „það leikur enginn vafi á því að aðgerðir Kína í Austur Turkistan gegn Úígúrum, Kósökkum, Kyrgyz og öðrum þjóðarhópum er þjóðarmorð. Kommúnistaflokkur Kína og Kína hafa verið með miskunnarlausa nýlendustefnu og þjóðarhreinsanir í kjölfar hertöku Kína á Austur Turkistan 1949.“
Sjá nánar hér
