Kórónuveiran er lífefnavopn búið til í Kína og greitt fyrir og þróað af bandarískum vísindamönnum

Bandarískir vísindamennn unnu með kínverskum vísindamönnum að þróun lífefnavopns á rannsóknarstofu Alþýðuhersins í Wuhan

Nýju skjölin, sem staðfest hafa verið af Pentagon, benda á uppruna kórónuveirunnar sem kínversks lífefnavopns búið til á rannsóknarstofu Alþýðuhers Kína í Wuhan. Skjölin benda einnig á þáttöku bandarískra yfirvalda.

Kína hefur í meira en 15 ár unnið að lífefnavopna-rannsóknum á erfðabreyttum veirum. Samhliða er bóluefnaframleiðsla til að vernda eigin hermenn frá lífefnavopnum, sem eru framleidd í Kína.

Minnisblað 21. ágúst 2021 skrifað af bandaríska sjóherforingjanum Joseph Murphy til aðaleftirlitsmanns bandaríska varnarmálaráðuneytisins er mjög afhjúpandi. Greining Joseph Murphy byggir á 14,2 milljóna dollara umsókn um rannsóknarstyrk fyrir „Verkefnið DEFUSE: Eyða ógn kórónuveira, sem berast með leðurblökum“ sem vísindamaðurinn Peter Daszak, yfirmaður EcoHealth Alliance sendi til Rannsóknarstofu Bandaríkjahers (DARPA) auk annarra skjala, sem enn eru ekki opinber.

Í rannsóknarteymi Daszak var m.a. hin fræga „Leðurblökukona“ Zheng-Li Shi frá Veirufræðistofnuninni í Wuhan, Ralph Baric frá háskólanum í Norður-Karólínu, Linfa Wang frá Duke læknaháskólanum í Singapore, Tonie Rocke frá bandarísku Heilbrigðismiðstöðinni í Wisconsin og Jerome Unidad frá Palo Alto rannsóknarmiðstöðinni í Kaliforníu.

Samantekt á minnisblaðinu:

  1. „SARS-CoV-2 [COVID-19] er bandarískt raðbrigða leðurblökubóluefni eða undanveira þess.“

Tilgangurinn samkvæmt tillögum Daszaks var að búa til bóluefni gegn kórónaveirum, sem líklegar voru til að „stökkva“ frá leðurblökum til manna. Átti að úða bóluefninu á leðurblökur í kínverskum hellum og koma þannig í veg fyrir heimsfaraldur.

Hljómar það langsótt?

DEFUSE-teymið átti samkvæmt tillögunum að safna miklum fjölda kórónuveira úr leðurblökum í kínverskum hellum og rannsaka þær með tilliti til getu þeirra að smita mannfólk. Síðan átti að velja þær veirur sem líklegastar voru til að „stökkva“ frá leðurblöku til manna, greina uppbyggingu þeirra og kortleggja þróunarferla.

Hugmyndin um bóluefni byggt á þróunarlíkani miðað við mjög óútreiknanlegar stökkbreytingar kórónuveira í leðurblökum er vísindalega fráleit.

Ef hætt hefði verið við tillöguna á þessu stigi og einungis búið til bóluefni gegn eðlilegum kórónuveirum í leðurblökum, þá hefði verkefnið að vísu mistekist en heimurinn hefði losnað við COVID-19.

Vísindamennirnir ætluðu að einangra gaddapróteinið, – þann hluta kórónuveirunnar sem stjórnar sýkingu. Síðan átti að meðhöndla prótínið á erfðafræðilegan hátt og gera það sérstaklega smitandi fyrir mannfólk og setja aftur inn í kórónuveiru leðurblaka. Þar með hafði sú sérstaka forveira verið sköpuð, til að hægt væri að búa til bóluefnið sem úða átti á leðurblökurnar.

Rannsóknarteymið ætlaði að kynna „sérstakan mannlegan“ strúktúr – „fúrín fjölbasíska klofningu“ þar sem þær eiga sér ekki eðlilegan stað. Það er sterk vísbending um þróun lífefnavopns og í samræmi við lífefnavopna- og bóluefnaáætlun kínverska hersins.

DEFUSE tillagan var uppskrift að COVID-19

DEFUSE-tillögu Daszak var hafnað af varnarmálaráðuneyti Bandaríkjanna, vegna þess að hún innihélt svo hættulegar rannsóknir á „viðbótarvirkni“ á afurð, sem samtímis var hægt að nota sem lífefnvopn.

Samt sem áður og þrátt fyrir höfnun varnarmálaráðuneytisins, þá héldu peningarnir að streyma áfram frá Anthony Fauci, Smitsjúkdómastofnun Bandaríkjanna til Peter Daszak í Kína.

  1. Án þess að leggja fram sönnunargögn fyrir því, þá fullyrti Murphy að ófullkominni forveiru hafi verið sleppt út trúlega vegna rannsóknarslyss í ágúst 2019 og eftir það væntanlega dreifst og stökkbreyttst meðal Kínverja, þar til heimsfaraldur braust út í nóvember-desember 2019.
  1. Murphy dró einnig í efa bóluefni í ljósi hugsanlegra eiturverkana mRNA, sem byggjast á COVID-19 gaddaprótíni. Hann lagðist einnig gegn afvísun bandarískra stjórnvalda á snemmbúnum meðferðarlyfjum eins og ivermektín og hýdroxýklórókín, sem hann taldi vera árangursríka meðhöndlun við kórónusýkingu.

Byggt á yfirgnæfandi sönnunargögnum, þá er ljóst að COVID-19 var búið til á rannsóknarstofu í Kína, sem hluti af lífefnavopnaáætlun kínverska Alþýðuhersins. Bandarísk stjórnvöld og bandarískir vísindamenn studdu verkefnið og reyndu síðan að hylma yfir eigin þáttöku í verkefninu og meðvirkni við framkvæmd þess. Afstaða bandarískra yfirvalda hafa þannig leitt til óþarfa dauða hundruða þúsunda Bandaríkjamanna.

Byggt á grein Lawrence Sellin Ph.D., sem er varaofursti bandaríska hersins á eftirlaunum og hermaður frá Afganistan og Írak. Hann átti borgaralegan feril í alþjóðaviðskiptum og læknisfræðilegum rannsóknum. Netfang: lawrence.sellin@gmail.com

Deila