Innflytjendur frá Sómalíu í Minniesóta í Bandaríkjunum stunda kerfisbundið kosningasvindl til að koma sínum að í stjórnmálin að sögn Project Veritas. Allir sem eru viðriðnir svindlið tillheyra Demókrataflokknum. Svindlið er svo víðtækt að sagt er að það geti haft áhrif á forsetakosningarnar.
Project Veritas hefur rannsakað málið og fullyrðir að stjórnmálamenn úr Demókrataflokknum noti Sómala til að „heyja atkvæði fyrir sig í Minnesóta.“ Meðal annars er Ilhan Omar frá Sómalíu sem er þekkt þingkona Demókrata sögð viðriðin svindlið. Einnig sýnir myndband sómalskan mann keyra og safna hundruðum óútfylltra atkvæðaseðla frá eldri sómalíubúum 7. júlí s.l. sem voru síðan notaðir til að kjósa Jamal Osman fyrir Demókrata. Maðurinn á myndbandinu montar sig yfir hvað hann hefur gert og lagði myndbandið út á félagsmiðla en fjarlægði það síðar. Jamal Osman var kjörinn í borgarstjórn Minneapolis í ágúst s.l.
Samkvæmt uppljóstraranum Omal Jamal er kosningasvindlið „opinbert leyndarmál“ meðal Sómala á svæðinu. Atkvæði er keypt með peningum og „stjórarnir“ fá greitt fyrir að safna saman atkvæðaseðlum. Stórar upphæðir eru í gangi.
„80 þúsund sómalskir innflytjendur í Minnesóta geta haft áhrif á útkomu kosninganna og eru því mikilvægir“ segir Omar Jamal og fullyrðir að miljónum dollara sé eytt til að svindla á útkomunni. Sómalskur stjórnmálamaður segir að „ekki sé um spillingu að ræða heldur bandalag milli ættbálka og vinstri manna.“ Margir sómalskir innflytjendur skilja ekki að þeir séu að gera neitt ólöglegt.
James O´Keefe stofnandi Project Veritas segir „að heyja atkvæði hefur orðið að stórri viðskiptagrein. Rannsókn okkar sýnir skýrt hvernig ósvífnir náungar notfæra sér eldra fólk og samfélög innflytjenda og hafa breytt kjörklefanum í viðskiptavöru.“
