Krefjast svara um ábyrgð á aðgerðum og ákvörðunum vegna covid19 í kröfugöngu á föstudag

Martha Ernstsdóttir ásamt hópi áhugafólks um rétta upplýsingagjöf og ábyrg vinnubrögð og ákvarðanir í tengslum við covid-19 ástandið efna til friðsamlegrar köfugöngu næstkomandi föstudag þar sem krafist er af þeim sem ábyrgð bera að svara spurningum sem vaknað hafa á aðgerðum og ákvörðunum vegna covid19 og eins til að vekja athygli fólks á spurningum sem hafa vaknað síðustu nítján mánuði vegna ástandsins.

Í tilkynningu um viðburðinn segir meðal annars að krafist sé svara við eftirfarandi spurningum:

1) Árangur vegna covid – 19 bólusetninga er mun slakari en talið var í byrjun og aukaverkanir mun meiri og alvarlegri, hvers vegna eru réttar tölur ekki birtar ?
2) Hvenær er fólk orðið “fullbólusett” gegn covid19 ?
3) Hvers vegna er þrýst á covid -19 bólusetningar barna þrátt fyrir að vísindin sýni að þær dragi ekki úr smitum og séu skaðlegar?
4) Er áætlað að sprauta allt niður í sex mánaða gömul börn eins og stefnan er erlendis?
5) Hafa stjórnvöld áætlanir um að taka upp bóluefnapassa á Íslandi?
6) Hvers vegna er bannað að gefa Ivermectin á Íslandi við covid – 19 og notkun þess hindruð?
7) Hvers vegna eru sóttvarnarlögin sett þvert á almenn mannréttindi?
8) Hvar eru rannsóknirnar sem íslensk stjórnvöld og þríeykið vísa í?
9) Fella neyðarlög íslensku stjórnarskrána úr gildi?
10) Hvers vegna eru PCR prófin ekki áreiðanleg og eru samt notuð?
11) Ef illa fer, hvernig réttlætum við aðgerðaleysið fyrir börnunum okkar síðar meir ?
12) Þora læknar og annað heilbrigðisstarfsfólk að stíga fram ef þau hafa efasemdir um bólusetningar gegn covid19 ?
13) Hvers vegna voru ófrískar konur sprautaðar strax þann 5.maí þegar ekki var komin reynsla á tilraunalyfin?
14) Hvers vegna er staða ónæmis (T- frumur og mótefni) ekki mæld til að vita hvort ónæmi sé náð, áður en ákveðið er hvort manneskja þurfi að fara í sprautu ?
15) Hvers vegna er grímunotkunar krafist þrátt fyrir að alþjóðaheilbrigðisstofnunin (WHO), CDC og fleiri staðfesti að grímunotkun hefti ekki útbreiðslu smita?
16) Hvers vegna eru óvenjumörg og skyndileg andlát eldri borgara í kjölfar bólusetninga þess hóps ekki rannsökuð?
17) Hvers vegna eru engar upplýsingar aðgengilegar um að covid-19 sprauturnar séu lyfjatilraun?
18) Hvers vegna er covid-19 flokkað sem farsótt þegar dánartölur árið 2020 eru þær sömu og undanfarin ár?
19) Hvers vegna var skilgreiningu á því að vera bólusettur breytt?
20) Hvers vegna er aðeins fjallað um smit en aldrei veikindi í daglegum fréttaflutningi um pestina?
21) Hvers vegna fara blaðamenn aldrei fram á heimildir þegar sóttvarnalæknir staðhæfir eitthvað ?
22) Af hverju voru keyptir 1,4 milljón skammtar í viðbót fyrir 360 þúsund manna þjóð?
23) Hvergi eru börn að veikjast alvarlega eða dreifa covid -19 smiti, svo hvers vegna er þeim bætt í tilraunahópinn í tilraun sem lýkur ekki fyrr en árið 2023?
24) Opinberar tölur John Hopkins háskólans sýna að covid -19 dánartölur síðustu mánaða í Ísrael hafa hækkað tífallt eftir að byrjað var að bólusetja með þriðja skammtinum. Eru íslensk stjórnvöld að taka þessar vísbendingar um skaðsemi efnanna til greina?

Þá krefst hópurinn einnig svara við 30 spurningum á ensku.

Í tilkynningunni segir að Lagt verði af stað frá Stjórnarráðinu um kl 16.30 upp Hverfisgötuna – Vitastíg – Laugaveg – Lækjargötu – Fríkirkjuveg – Skothúsveg – Tjarnargötu – Austurvöllur – Pósthús-/Austurstræti – yfir Lækjargötuna og enda aftur við Stjórnaráðið.

Hægt er að nálgast nánari upplýsingar um viðburðinn með því að smella hér.

Athugasemdir

athugasemdir

Deila