Hafin er menningarbylting vestanhafs og hjá alþjóðlegum risafyrirtækjum eins og Coca-Cola, þar sem starfsmenn verða að fara á skyldunámskeið og þeim kennt að hvítir séu yfirdrottnarar og menning þeirra sé að drottna yfir öðrum kynþáttum. Sagt er að rannsóknir 3-4 ára gamalla barna sýni, að börnin skilji að það sé betra að vera hvítur í stað þess að vera litaður. Á námskeiði Coca-Cola er starfsmönnum ráðlagt að vera „Minna Hvítir“ – að vera hvítur tengist nefnilega neikvæðum eiginleikum eins og hroka, vankunnáttu og kúgunartilburðum.
Robin DiAngelo er stjórnandi þessarrar nýju kynþáttakennslu fyrir starfsmennina og er hægt að taka þátt í námskeiðinu m.a. á Linkedin fyrir þá sem greiða fyrir það. DiAngelo titlar sig sem doktor í fjölmenningarkennslu og er höfundur bókarinnar Brothætta Hvíta stofnsins „White Fragilitiy.“ Af 19 þúsund nemendum námskeiðsins síðan júní í fyrra segjast einungis þúsund, að þeir höfðu haft gagn af námsskeiðinu.
Allir hvítir eru kynþáttahatarar
DiAngelo meinar að hvíti kynstofninn sé „brothættur“ vegna þess að í hvert skipti sem yfirdrottnun hvíta stofnsins fær samkeppni, þá fara hvítir í varnarstöðu. Er því slegið föstu í upphafi námskeiðsins að „hvítt fólk séu óhjákvæmilega kynþáttahatarar.“ DiAngelo fullyrðir, að hvítt fólk sem segist líta á annað fólk sem einstaklinga án tillits til húðlitar, geri það einungis til að draga úr sekt sinni. Burtséð frá því hvað hvítir óska sér þá leiði gjörðir þeirra til þess að kynþáttamuninum er haldið lifandi. Hvítir geta þar af leiðandi ekki komist hjá því að vera rasistar en eiga að stefna að því að vera „minna hvítir.“
DiAngelo segist koma frá fátæku heimili en The Post Millennial hefur sýnt, að hún er margmilljónamæringur í dollurum reiknað bæði á bók sinni og svo öllum ræðuhöldum og námsskeiðum og hefur hún grætt mikið á andláti George Floyd í Minneapolis.
Trump stöðvaði skyldunámskeið og heilaþvott ríkisstarfsmanna um að hvítir séu „sjálfkrafa rasistar“
Donald Trump stöðvaði áætlanir um að ríkisráðnir starfsmenn færu á skyldunámskeið í Critical Race Theory – CRT, en þar er haldið fram að „flestir ef ekki allir hvítir vinni að kynþáttamismun“ og á þeim námskeiðum sem haldin voru áttu hvítir starfsmenn að „játa að þeir hefðu hlunnindi vegna kynþáttamismunar.“ Breitbart skrifaði þá að CRT væri hugmyndafræðilegur grundvöllur Black Lives Matter, Antifa og annarra róttækra öfgasamtaka sem herja í Bandaríkjunum.
Sjá nánar hér
