Viðar Guðjohnsen athafnamaður og Magnús Þór Hafsteinsson ritstjóri og fyrrverandi þingmaður eru langt frá því sammála þegar kemur að sjávarútvegsmálunum og tókust þeir félagar á um sjávarútvegsmálin í síðdegisútvarpinu í dag þar sem þeir voru gestir Péturs Gunnlaugssonar.
Meðal þess sem þeir Magnús og Viðar tókust á um var hvort kvótakerfið hefði stuðlað að þróun í sjávarútvegi. Magnús sagði að með kvótakerfinu hefði orðið ákveðin stöðnun, til að mynda væri kvótinn nú á fárra höndum og afrakstur af nýtingu sjávarútvegsauðlindinni dreifist á færri staði
“ áður en kvótakerfið kom til var hér víða um land mikil uppbygging í innviðum samfélagsins og útgerðir stóðu víða úti um land og stóðu undir mikilli verðmætasköpun, svo eftir að kerfinu var komið á kom til svokölluð hagræðing sem hefur kostað samfélagið mjög mikið, við höfum misst störf og þar af leiðandi mannlíf í mörgum plássum úti á landi„segir Magnús.
Þessu er Viðar alls ekki sammála
“ það kom á þessum tíma mjög lélegur fiskur í land, í dag er staðan allt önnur, þeir fara með ferskan fisk á markað í Evrópu meira segja, þeir eru komnir með betri tækni til að kæla hann niður, sölukerfin eru orðin betri og það verð sem fæst fyrir fiskinn hefur margfaldast„,segir Viðar.
Hlusta má á þáttinn í spilaranum hér að neðan.
