Nýlega birti Smithsonian þjóðminjasafnið í Bandaríkjunum sérstakar leiðbeiningar fyrir safngesti til að átta sig betur á hvítu fólki og hvað hafa ætti í huga í umræðum um fyrirbærið. Afstaða safnstjórnarinnar er að upplýsa safngesti um að „hvítunni” – menningarboðskap hvíta kynstofnsins um kjarnafjölskyldu, auðvaldshyggju og hefðir Gyðinga og kristinna, beri að hafna sem hluta kúgunarkerfis.
„Hvíta og staðlfærsla einkenna hvíta kynstofnsins gegnum sögu Ameríku hefur skapað menningu þar sem litið er á litaða einstaklinga sem verri eða óeðlilega” skrifar Smithsonian. Leggur safnið til að „hvítunni” verði kollvarpað til þess að frelsa ekkihvíta frá hinni kúgandi „hvítu menningu.”
Safnstjórnin tekur mjög róttæka afstöðu gegn „forréttindum hvítra: Ef þú er hvítur í Ameríku hefur þú grætt á húðlit þínum….Hvítan (og samþykki á stöðlun hennar) birtist á hverjum degi í míkróárásum gegn lituðu fólki. Slíkar míkróárásir eru gerðar með orðum, án orða, með umhverfislegum móðgunum, að virða þig ekki viðlits eða móðga litaða. Hvort sem um meðvitaðar árásir eða ekki er að ræða, þá sendir þessi afstaða fjandsamleg, niðurlægjandi eða skaðleg skilaboð.“
Leiðarvísir sem safngestir fengu í hendur hefst svona:
„Sjónarmið og hugleiðingar um hvítu og hvíta menningu í Bandaríkjunum. Hvít yfirþyrmandi menning eða hvíta fjallar um hvernig hvíta fólkið og hefðir þess, skoðanir og lífsstíll hafa verið staðalfærð í gegnum tíðina og eru núna orðin sjálfsögð í Bandaríkjunum. Þar sem hvítt fólk hefur völdin í stofnunum Ameríku, þá höfum við öll innbyrt hvíta menningu á einhvern hátt – einnig litað fólk.”
Lýsingar á einkennum hvíta kynstofnsins má m.a. sjá í „óframbærilegri einstaklingshyggju” og „uppbyggingu fjölskyldunnar”sem inniheldur kjarnafjölskyldu, þar sem eiginmaðurinn er fyrirvinnan og eiginkonan sér um heimilið á lægri skör en eiginmaðurinn. Safnstjórnin heldur því fram að sagan „byggist á reynslu innflytjenda frá Norður Evrópu til Ameríku“ með „augun á breska heimsveldinu” og „forgangsröðun á hefðum Gyðinga og kristinna.”Um frí er sagt að þau byggi á „kristinfræði og sögu hvítra og karlkyns leiðtogum.”
Þá er sagt um vinnumóral að „hörð vinna sé lykill að framgangi” og „vinna gangi fyrir leik” samkvæmt „vinnumóral mótmælendatrúar” og sagt að ”kristni sé stöðluð” og „öll önnur trúarbrögð en Gyðingadómur og kristnar hefðir séu útlendar og ekki leyft að víkja frá hugmyndinni um einn guð.”Leiðarvísirinn ræðst gegn kapítalismanum og segir „hvítuna“ hylla ríkidóm eins og „vörueign, pláss og fasteignir” og telur það ekki jákvætt að sýna beri yfirvöldum virðingu. Leiðarvísirinn hvetur einnig til svika því „hvítan innifelur líka að meirihlutinn ræður þegar hvítir eru við völd.”
Sjá nánar hér
