Kraftaverkin gerast enn ef marka má frétt sænska sjónvarpsins af 53 ára gömlum lömuðum manni, sem var hjólastólsbundinn í Umeå í Norður-Svíþjóð. Maðurinn fékk fullkomna þjónustu og aðstoð velferðarkerfisins sem fatlaður einstaklingur. Myndir í bílasíma mannsins sýna samt, að þegar hann fór í sumarfrí til Miðausturlanda, þá hafa gerst kraftaverk og maðurinn varð skyndilega alfrískur og fór allra ferða án hjólastólsins. Gallinn við kraftaverkin var hins vegar sá, að þau virkuðu bara á utanlandsferðum mannsins en aldrei í Svíþjóð.
Maðurinn er í varðhaldi grunaður um sex nauðganir á þremur ungum stúlkum, barnaklám, kynferðisafbrot gegn börnum og eiturlyfjabrot. Nú bætist ákæra um að hafa svikið á grófan hátt fé úr sænska velferðarkerfinu og á maðurinn yfir höfði sér háar endurgreiðslukröfur.
Þurfti ekki hjólastólinn á lúxusferðalögum til Tyrklands, Qatar og Filippseyja.
Peter Jonsson saksóknari segir að „upphæðirnar eru háar, það varðar bæði félagsbætur til lífsviðurværis ásamt allri aðstoð heima fyrir. Ég vonast til að geta tekið ákvörðun um kæru fyrir sumarið.“ Fríski lamaði maðurinn hefur varist nauðgunarkærum á þeirri forsendu, að hann sé lamaður, algjörlega bundinn hjólastól og hafi fengið aðstoð sveitarfélagsins. Sænska sjónvarpið hefur birt myndir úr bílasíma mannsins, þegar hann gengur óstuddur um allt, blessar Allah þegar hann fer í lúxusferðalög m.a. til Tyrklands, Qatar og Filippseyja. Enginn hjólastóll sést nálægt manninum á þessum ferðalögum. Að auki þá hefur lögreglan mælt hreyfingar mannsins í fangelsinu, þar sem hann hefu gengið um án hjólastóls.
Fékk aðstoð við bleyjuskipti fimm sinnum á dag
Eftirfarandi aðstoð hefur maðurinn fengið á kostnað sænskra skattgreiðenda:
- Fulla félagsbætur sem tekjulaus einstaklingur
- Aðstoð við að komast ferða sinna
- Aðstoð við að klæðast
- Bleyjuskipti/tæming þvagskálar fimm sinnum á dag
- Þrif einu sinni í viku
- Þvottur einu sinni í viku
- Matargerð þrisvar sinnum í viku
- Félagsskapur/samtöl fjórum sinnum í viku
- Bað fjórum sinnum í viku
- Skifti á rúmi eftir þörfum
- Aðstoð við uppþvott og að bera út rusl
- Séræfingar fyrir fatlaða þrisvar á viku
