Fimmtíu og sex ára fæðingalæknir í Bandaríkjunum lést vegna innvortis blæðinga eftir að hafa fengið bólusetningu gegn Covid-19. Þetta var meðal þess sem fram kom í máli Gústafs Skúlasonar fréttaritara í Stokkhólmi í þættinum Heimsmálin, fréttir og fréttatengt efni af erlendum vettvangi í dag en Gústaf var viðmælandi Péturs Gunnlaugssonar.
Gústaf segir að maðurinn hafi verið mjög vel á sig kominn þegar hann fékk sprautuna en tveimur dögum síðar hafi farið að síga á ógæfuhliðina. Blóðhlaupnir blettir fóru að birtast á húð mannsins án eðlilegra skýringa. Samkvæmt áliti helsta blóðsérfræðings John Hopkins háskóla er talið að tengsl hafi verið milli bólusetningarinnar og andláts mannsins:
„sérfræðingurinn lýsti þessu yfir og sagði jafnframt að þetta geti myndast eftir bólusetningu og ekki sé hægt að útiloka að það sama geti komið fyrir aðra þá sem bólusettir eru„. segir Gústaf.
Gústaf segir að séu gögn skoðuð komi í ljós að aukaverkanir af bóluefnum gegn Covid séu meiri en af öðrum bóluefnum og þetta sýni glöggt að þróun bóluefnis þurfi að fá sinn tíma, ekki gangi upp að setja tímapressu á þróun bóluefnis.
